മഴതൂങ്ങി നിൽക്കുന്ന മാനം…
ദൂരെയെങ്ങോ ഒരു അത്തപ്പുവിളി മുഴങ്ങുന്നു.
ഏട്ടനും കൂട്ടരുമാണ്…
ഇറയത്ത് തൂക്കിയിട്ടിരുന്ന പൂവട്ടികളുമെടുത്ത് കിഴക്ക് വെള്ളകീറുമ്പോഴേക്കും കൂട്ടർ കുന്നിൻ ചെരിവിലെത്തിയിരിക്കുന്നു…😍
കുനുകുനെ വിടർന്നു നിൽക്കുന്ന വെളുത്ത തുമ്പപ്പൂക്കൾ മത്സരിച്ച് നുള്ളുകയാണ് ഏവരും!
പൂവിറുത്ത് കൊച്ചു പൂവട്ടികളിലാക്കി കഴിഞ്ഞാൽ “പൂവട്ടിയുടെ വള്ളിപിടിച്ച് ഒരു മൂന്നാലു വട്ടം ചുഴറ്റണം. “
എന്നാൽ പൂക്കൾ അട്ടിയായി കിടന്ന് കൂടുതൽ സ്ഥലം കിട്ടുമത്രെ പൂ നുള്ളിയിടാൻ…
അതികാലത്ത് പൂവിറുക്കാൻ പോകുന്ന ഡ്യൂട്ടി അധികവും ആൺകുട്ടികൾക്കാണ്.
അതുകൊണ്ടു തന്നെ ഏട്ടൻമാരുടെ പൂനുള്ളലിൻ്റെ വീരേതിഹാസങ്ങൾ കേട്ട് വായും പൊളിച്ച് നിൽക്കാനാണ് ഞങ്ങൾക്കൊക്കെ യോഗം…😀
എന്തായാലും അവർ പൂവിറുത്ത് തിരിച്ചെത്തി ചാണകം മെഴുകിയ മുറ്റത്ത് വെച്ച നാക്കിലയിലേക്ക് പൂവട്ടി ചൊരിയുമ്പോൾ ഞങ്ങൾ പെൺകുട്ടികൾ അന്തംവിട്ടിരിക്കും…
” ഇത്രയും പൂക്കളോ!”
ഒരു കളം നിറയാനുള്ളത്രയും
ശുഭ്ര വർണ്ണമുള്ള തുമ്പപ്പൂക്കൾ😍’
അത്തം തുടങ്ങി ഓണം വരെ ഉത്സവനാളുകൾ…♥️
ഉത്രാട നാളിൽ മുറ്റത്ത് കയ്യാലക്കരികിലിരുന്ന് ചെമ്മണ്ണു കുഴച്ച് തൃക്കാക്കരയപ്പനെ ഉണ്ടാക്കി വെയിലത്ത് വെച്ച് ഉണക്കിയെടുക്കാനുള്ള തിരക്കിലാണ് കാര്യസ്ഥൻ വേലായുധേട്ടൻ.
ഒരു വലിയ അപ്പൻ നടുക്കും ഇരുവശത്തും രണ്ട് ചെറിയ അപ്പൻമാരും…😀
ഉച്ചതിരിയുന്നതോടെ അരച്ചു വെച്ച അരിമാവു കൊണ്ട് മുറ്റത്ത് കളം വരക്കുന്നതും നോക്കി ചവിട്ടുപടിയിൽ ഇരിക്കെ തുമ്പികൾ താഴ്ന്നു പറന്ന് ഓണത്തപ്പനെ വരവേൽക്കാനെത്തും.🌹♥️
തൃക്കാക്കരയനെ കുടിവെച്ച് നെറുകിൽ കൃഷ്ണകിരീടവും തുളസിപ്പൂവും ചൂടിച്ച്
ഒരു ‘കാലൻകുടയും വെച്ച് പൂജിക്കും…
ഇനി നാല് ദിവസം ഓണത്തപ്പൻ കുട ചൂടി മുറ്റത്തുണ്ടാകും…🥰
ഇരുട്ടുമൂടി വരുന്നു…
അകത്തേക്ക് കയറാനൊരു ങ്ങവേ…
മൂക്കിലേക്ക് ഒരു കൊതിയൂറും ഗന്ധം അരിച്ചു കയറി…🙂
പതുങ്ങിപ്പതുങ്ങിച്ചെന്ന് അടുക്കളയിലേക്കെത്തി നോക്കി.
“ഹായ്!
വായിൽ വെള്ളമൂറുന്നു “
(“ഇപ്പോഴും..” )
കനലെരിയുന്ന അടുപ്പിൽ വെച്ച ഉരുളിയിൽ ശർക്കര ഉപ്പേരി വരട്ടുന്ന തിരക്കിലാണ് അച്ഛമ്മ…😍
അച്ഛനും കൂട്ടിനുണ്ട്..❤️
കറിവേപ്പിലയും ഉണക്ക മുളകും ഉലുവയും കടുകും കൂടി കുറുക്കുകാളനിൽ വറവിടുകയാണ് അമ്മ..🥰
രസഗ്രന്ഥികൾ കൺഫ്യൂഷനിലാണ്!😀
ഏതു ഗന്ധത്തിനോട് നീതി പുലർത്തണം എന്നറിയാതെ…
ജോലിയെല്ലാം തീർത്ത് ഏവരും അച്ഛൻ്റെ ചുറ്റും കൂടി…
കുന്നംകുളം തെക്കേക്കര ടെക്സ്റ്റൈൽസിൽ നിന്നും വാങ്ങിയ, എല്ലാവർക്കുമുള്ള ‘ഓണക്കോടിയുടെ പല പല കവറുകൾ തുറക്കലായി പിന്നെ…😍
“ഇത് വേലായുധന്”
“ഇത് മണിക്ക് “
” ഇത് സീതക്ക്… “
“ഇത് ലക്ഷ്മിക്ക്…”
ഓരോരുത്തർക്കുമുള്ളത് വെവ്വേറെ കവറുകളിലാക്കി വെച്ചു!
കുളിർമ്മയോലും ഓണനിലാവിൽ ആകാശത്തേക്ക് ചന്ദ്രനെയും നോക്കിയിരിക്കലും മനസ്സിന് കുളിർമ്മയേകി…😍
നാലുനാൾ മുൻപേ മച്ചിൽ തൂക്കിയിട്ടിരുന്ന നേന്ത്രക്കായക്കുലകൾ പഴുത്ത് പാകം വന്ന് വേവിച്ച് പപ്പടം കൂട്ടിക്കുഴച്ച് ബ്രേക്ക് ഫാസ്റ്റിന് അകത്താക്കും…😀
കൂടെ അമ്മയുണ്ടാക്കിയവെച്ച കറുമുറു വറുത്തുപ്പേരിയും!
ഓണനാളിൽ ഓരോരുത്തർക്കായി ഓണക്കോടി വിതരണം…🥰
ഇലയിൽ നിറഞ്ഞ ഓണവിഭവങ്ങൾ
” പഴപ്രഥമൻ!”
” നിക്ക് വേണ്ട..
നിക്ക് പാൽപ്പായസം മതി…”😍
മനസ്സു നിറയെ ഓണമുണ്ണാൻ വീണ്ടുമൊരോണം വന്ന നാളിൽ!
ഓർമ്മകളിലൂടെ മനം ഇന്നൊരോണമുണ്ടു പോൽ!🥰🥰♥️
✍️ഡോ: ഹേമലത സി.കെ