ചായക്കഥ

Every cup of tea tells a story……………

പണ്ടൊരിക്കൽ ഒരു ചായ കുടിക്കാൻ വേണ്ടി മൂന്നാറിൽ പോയൊരു കഥയുണ്ട്. അതിനു പിന്നിലെ രസം ഒരൊറ്റ വാക്കിൽ പറഞ്ഞാൽ ഇത്ര മാത്രം..

” Tea has a way of soothing the soul and invigorating the senses ”

ശരിയാണ്. ചായ കുടിക്കാൻ പോയ ഞങ്ങൾ എത്തിപ്പെട്ടത് മൂന്നാറിലെ KDHP ഔട്ട്ലെറ്റിൽ. വിവിധ തരം ചായ പരീക്ഷിച്ചെങ്കിലും ഒടുവിൽ കൊണ്ടുവന്ന കോൾഡ് ടീയിൽ സായൂജ്യമടഞ്ഞു. ആ ഫോട്ടോയെടുത്ത് fb യിൽ സ്റ്റാറ്റസുമിട്ടു. ഒടുവിൽ തെറ്റ് ധരിക്കപ്പെട്ടു ഹൈറേഞ്ചിറങ്ങിയത് മിച്ചം!

കൊള്ളാവുന്ന ചായ തേടിയുള്ള യാത്രയിൽ കേരളം പരാജയപ്പെട്ടു ആശാനെ എന്ന് പറയുന്നതാണ് അതിന്റെ ഒരിത്! ഒറ്റക്കും തെറ്റക്കും ചിലതെന്ന് പറയുന്നതാണ് ശരി!

കാസർഗോഡ് വസന്ത ഭവനിലെ സൗത്ത് കാനറ ശൈലിയിലെ ചായ, ഹോട്ടൽ ബദ്രിയിലെ ചായ എന്നിങ്ങനെ ചില എണ്ണം പറഞ്ഞ വെറൈറ്റികൾ കാസർഗോഡ് ഉണ്ട്. മലബാറിൽ അല്ലാതെ പരീക്ഷിച്ചതൊക്കെ ഒട്ടും തൃപ്തി തന്നിരുന്നില്ല.

വലിയ മെച്ചമില്ലെങ്കിൽ പോലും ചായ സൗഹൃദങ്ങൾക്ക് തിരുവനന്തപുരം പോലെ മറ്റൊരു സ്ഥലമില്ലെന്നാ ഒരു പക്ഷം!

Tea is a catalyst for friendship, relaxation and connection!

അത് ശരിയാണെങ്കിൽ മാതൃഭൂമി റോഡിലെ അണ്ണാച്ചിക്കട കവിഞ്ഞൊന്നില്ല! ബഡ്ജറ്റ് ഫ്രണ്ട്‌ലി! അതിലുപരി ഫാമിലിക്കും സൗഹൃദങ്ങൾക്കും പറ്റിയൊരിടം! അവിടത്തെ ചായക്ക് ഒരു യുണീക്ക് ടേസ്റ്റ് ഉണ്ട്. അതാണല്ലോ വേണ്ടത്.

ബുഹാരിയിലെ തന്തൂരി ചായയും അങ്ങനെ തള്ളിക്കളയാൻ പറ്റുന്ന ഒന്നല്ല! പിന്നെയുള്ളത് ഇറക്കുമതി ഐറ്റംസ് മാത്രമാണ് കുംഭകോണം ചായ, ബോംബെ കട്ടിങ് ടീ, ബിരിയാണി ചായ അങ്ങനെയുള്ള ചിലതൊക്കെ…..

പ്രിപ്പറേഷനിൽ ഏറെ ആകർഷകമായി തോന്നിയത് തമിഴ്നാട്ടെ നാട്ടുചക്കര ടീയാണ്. ശർക്കരയും തേയിലയും വെള്ളം ചേർക്കാത്ത പാലും ചേർത്തൊരു പ്രത്യേക കൂട്ട്!തമിഴ് നാട്ടെ തെക്കൻ ജില്ലകളിൽ നാട്ട് ചക്കര ടീ ഒരു താരം തന്നെയാണ്. കടുപ്പത്തിൽ മധുരം കൂട്ടിയൊരു പിടുത്തം പിടിച്ചാൽ ക്ഷീണമൊക്കെ പമ്പ കടക്കും! പൊതുവിൽ തമിഴ്നാട്ടെ കുറികിയ ചായക്ക് ആ നാട്ടിന്റെ ഒരു ടെയ്സ്റ്റ് നൽകാൻ സാധിക്കുന്നുണ്ട്. ആ പ്രഭാവത്തിൽ എന്നോണം അതിർത്തി പ്രദേശമായ പാറശ്ശാലയിലൊക്കെ കരിപ്പട്ടി ചായ സാധാരണമാണ്.

ഒറ്റക്ക് കുടിക്കുന്നതിനെക്കാളും ഒരു ഗ്രൂപ്പായി ചാമ്പുന്നതാണ് ചായ കുടിയുടെ തനത് ശൈലി! കുടുംബത്തോടൊപ്പം അല്ലെങ്കിൽ ഹെവി ഷെഡ്യൂൾ ഡ്യൂട്ടികൾക്കിടയിലെ ഒഴിവ് നേരങ്ങൾ അതുമല്ലെങ്കിൽ മൺസൂൺ കാലത്തെ നനഞ്ഞു കുതിർന്ന സായം സന്ധ്യകളിൽ മൂളിപാട്ടും പാടി ചൂടുള്ള പരിപ്പുവടയും ഭക്ഷിച്ചു ചായ കുടിക്കാം രസമാണ് ഒപ്പം നല്ല അനുഭൂതിയും!

ഒടുവിൽ ചായ കുടിച്ചു നമ്മൾ പിരിഞ്ഞത് ഇന്നലെ ബീഹാർ ഇലക്ഷൻ റിസൽറ്റിന്റെ സമയത്താണ്. കൊങ്ങികളും സങ്കികളും അതിലുപരി കമ്മികളുമായ നമ്മളെല്ലാം അടിച്ചു പിരിഞ്ഞെങ്കിലും അടുപ്പിച്ചത് മാതൃഭൂമി റോഡിലെ അണ്ണാച്ചിയുടെ ആ ചായ തന്നെയായിരുന്നു. ആ നല്ല ചായയുടെ കഥ അവസാനം നമ്മുടെതും കൂടി ആകുന്നു.

Thirsty at first, then delighted and lightened and eventually inspired to escape to another world………….