Author: Pavithra Unni

മനുഷ്യൻ ഏകനായാണ് ജനിക്കുന്നത്. എന്നാൽ കാലക്രമേണ അവനൊരു ഇണയെ ആഗ്രഹിച്ചു തുടങ്ങും. ഇങ്ങനെ ആയിരിക്കണം എന്റെ പാർട്ണർ/പങ്കാളി എന്നൊക്കെ ഒരു സിനിമ കഥാപാത്രത്തെ പ്രതി സങ്കല്പിച്ചു നോക്കാത്തവർ വിരളമായിരിക്കും. മലയാള സിനിമയിലെ പ്രശസ്തരായ രണ്ടു ഭർത്താക്കന്മാരെ ഞാൻ വിളിച്ചോണ്ട് വന്നിട്ടുണ്ട്. നമുക്ക് നോക്കാം ഇവരിലെ പങ്കാളിക്ക് എത്ര മാർക്ക് കിട്ടുമെന്ന്. രണ്ടു ജോഡികളെയാണ് ഞാൻ പരിശോധിക്കാൻ പോകുന്നത് ’ഇന്നലെ’യിലെ ഗൗരിയും നരേന്ദ്രനും ‘മണിച്ചിത്രത്താഴിലെ’ ഗംഗയും നകുലനും. രണ്ടു ജോടികളും ഗ-ന യിൽ തുടങ്ങുന്ന പേരുകൾ ആണെന്നതും സ്‌ക്രീനിൽ അവരെ അവതരിപ്പിച്ചത് ഒരേ നടിയും നടനും ആണെന്നതും തികച്ചും യാദൃശ്ചികം മാത്രം! ഗൗരിയുടെ നരേന്ദ്രൻ: അങ്ങനെ വിളിക്കണോ എന്ന് പോലും സംശയിക്കണം. കാരണം ശരത്തിന്റെ മായയാണ് സിനിമയിൽ ഉടനീളം ഗൗരി. ഒരു അപകടത്തിൽ ഓർമ നഷ്ടപ്പെട്ട പെൺകുട്ടിക്ക് പുതിയൊരു പേരും ജീവിതവും ഒക്കെ ലഭിക്കുന്നുണ്ട്. എന്നാൽ ഈ സിനിമ ഇഷ്ടപ്പെടുന്നവരെയെല്ലാം ഒരുപോലെ ധർമസങ്കടത്തിലാക്കുന്നതാണ് അവസാന ട്വിസ്റ്റ്‌. മായയെന്ന ഗൗരിയുടെ പൂർവ ജീവിതത്തിൽ നിന്ന്…