ജീവിതം നോൺ സ്റ്റിക്ക് പാത്രം പോലെയാണ്! തടി കൊണ്ടുള്ള തവിയാണ് പഥ്യം എന്നറിഞ്ഞിട്ടും.. നമ്മൾ സ്റ്റീൽ ചട്ടുകം കൊണ്ട് കുത്തി ഇളക്കും! കോട്ടിങ് പോയി ഒന്നിനും കൊള്ളാതെ ആക്കും! അപ്പോൾ ഒരു ബോധോദയം വരും… ചിലപ്പോൾ വില കൂടിയ സിലിക്കോൺ തവി പോലും ഉപയോഗിച്ച് നോക്കും… എന്തിന്? ഇനി ആ പാത്രം പഴയ പോലെ ആവില്ല! അവിടവിടെ അടർന്ന കോട്ടിങ് ഓർമ്മകൾ… എന്നിട്ടും കളയാനാവാതെ ആ പാത്രം! അത്രമേൽ പ്രണയത്തോടെ കൈയിലെടുത്തിരുന്ന പാത്രം… അത്രമേൽ കരുതലോടെ സൂക്ഷിക്കേണ്ടിയിരുന്ന പാത്രം! ജീവിതം ചിലപ്പോൾ ചില്ലുപാത്രമല്ല! ഉടഞ്ഞാൽ പെറുക്കി കളയാൻ പറ്റുന്ന ചില്ലുപാത്രം! അത് പലപ്പോഴും നോൺസ്റ്റിക്ക് പാത്രമാണ്.. എക്സ്ചേഞ്ച് ഓഫർ വരും വരെ അടർന്ന കോട്ടിങ്ങോടെ ഉപയോഗിക്കുക തന്നെ