ചാന്ദ്രഭ്രമണപഥത്തിലേക്കൊഴുകിയിറങ്ങി
ചാന്ദ്രതലത്തിൽ റോവറമർത്തി
ഇന്ത്യഇസ്രോ മുദ്രകൾ ചാർത്തി
ചന്ദ്രയാൻ ലക്ഷ്യമണഞ്ഞു.
![](https://koottaksharangal.com/wp-content/uploads/2023/08/ad_Banner_1-copy.webp)
ഈരേഴു പതിന്നാല് ദിനം
വിക്രമും പ്രഗ്യാനും
ചന്ദ്രോപരിതലത്തിൽ
മന്ദമാരുതനെപ്പോൽ ഒഴുകിയലയും.
ക്യാമറക്കണ്ണുകൾക്കിപ്പുറം
കംപ്യൂട്ടറിൻ സ്ക്രീനിനു മുന്നിൽ
തപസ്സിരിക്കും
ഒരു കൂട്ടം ഇസ്രോ വിചക്ഷണർ.
ഗുണിച്ചും ഹരിച്ചും
കിഴിച്ചും കൂട്ടിയും
ഇന്ദു തൻ നെറ്റിയിൽ
ത്രിരംഗതിലകം ചാർത്തിയവർ..