അവിചാരിതമായി അടുത്തവർ ഒരിക്കൽ ഒരു പെരുമഴ
കണ്ണിൽ നിറച്ചു പരസ്പരം
വിട പറഞ്ഞകന്നവർ
ഓട്ടോഗ്രാഫിന്റെ താളുകളിൽ
![](https://koottaksharangal.com/wp-content/uploads/2023/08/ad_Banner_1-copy.webp)
കണ്ണുനീരാൽ പടർന്ന
മഷികൊണ്ട്
മറക്കാൻ മരിക്കണം എന്നെഴുതിയവൻ
ഒരു നിമിഷംപോലും
കാണാതിരിക്കാൻ കഴിയില്ലെന്ന്
എഴുതിയവൾ
കാലങ്ങൾക്കിപ്പുറം
അവിചാരിതമാമൊരു കണ്ടുമുട്ടലിൽ
കണ്ണുകൾ കോർത്തപ്പോൾ
വിളറിയൊരു പുഞ്ചിരിപോലും
നൽകാതെ
ഒപ്പമുള്ളവർക്കൊപ്പം രണ്ടപരിചിതരെപ്പോലെ ഇരുവഴി പിരിഞ്ഞവർ