വരൾച്ച.

• വരൾച്ച

ഈ ജലവും എന്നെ മറക്കും , അവ എന്നെ വിട്ടിറങ്ങും.

എന്നിൽ ഒഴുകിയിരുന്നവർക്ക്, വരൾച്ചയായും മാറും ഞാൻ.

ഈ വക്കിൽ ഏകയായി, ഞാനും ഒരു പുറമ്പോക്ക് ആകും.

എൻറെ ഈർപ്പിൽ ആഹ്ലാദിച്ചവർക്ക്,

ഞാൻ അപരിചിതയാകും.

ആ അപൂർണ്ണതയിലും ഞാൻ ദാഹിക്കും,

ഒരു തുള്ളി ജലത്തിനായി.

_ആലിയ മനാൽ_

• പാപം

എന്റെ പാപങ്ങളെല്ലാം എഴുതപ്പെട്ടതാണ്.

ഒളിക്കാൻ ഇനിയെന്തുണ്ട് എല്ലാം നിന്നിലൂടെയാണ്.

ഒഴുക്കി കളയാൻ ഗംഗ നദി ഇന്ന് ശുദ്ധയല്ല.

ഒരിക്കലും മറക്കപ്പെടില്ല കാരണം നീ അന്തയല്ല.

ഞാനിന്നു ഉറങ്ങുകയാണ് ഈ പാപത്തറയിൽ.

ഒളിക്കപ്പെടാൻ മറയില്ലാതെ വെറും പച്ചയായി.

_‏ആലിയ മനാല്‍_

•  ചോദ്യങ്ങൾ

ചോദ്യങ്ങളുടെ തസ്ബീഹിൽ അവർ എനിക്ക് ഒരു മാലയുണ്ടാക്കി.

ആ മാലയും അണിഞ്ഞ് ഞാൻ അയാളുടെ അടുത്തേക്ക് ചെന്നു.

അയാൾ ദുനിയാവിൽ ഇല്ലാത്തതുകൊണ്ട് ഉത്തരം കിട്ടിയില്ല.

തസ്ബീഹും പൊട്ടി , ദിക്കറും ചോർന്നു.

_ആലിയ മനാല്‍_