ഉൾകാഴ്ച !
അറിയുന്നത് വിവേകമല്ല. അറിയുന്നതും മനസ്സിലാക്കുന്നതും തമ്മിൽ വലിയ അന്തരമുണ്ട്. ഒരു കാര്യത്തെക്കുറിച്ച് ധാരാളം അറിയാൻ കഴിയും, പക്ഷേ അത് ശരിക്കും മനസ്സിലാക്കി എന്ന് അതിനർത്ഥമില്ല .
എല്ലാവരും അതുല്യരാണ്. അതിനാൽ ആരെയും അറിവ് കൊണ്ട് വിധിക്കരുത്, അതിനധികാരവും നമുക്കില്ല. മനസ്സിലാക്കുവാനാണ് ശ്രമിക്കേണ്ടത്.
നമ്മൾ കാര്യങ്ങൾ കാണുകയും മനസ്സിലാക്കുകയും ചെയ്യുന്ന രീതി,
നമുക്ക് കാണാൻ കഴിയുന്നത് പോലെ, കാര്യങ്ങൾ കാണുക മാത്രമല്ല, ഒരേ സമയം അവ മനസ്സിലാക്കുകയും ചെയ്താൽ മാത്രമേ നമുക്ക് പൂർണ്ണമായ അറിവിലേക്ക് എത്താൻ കഴിയൂ. ലോകത്തെക്കുറിച്ചുള്ള നമ്മുടെ വീക്ഷണത്തിൽ വിശ്വാസങ്ങളുടെയും അനുഭവങ്ങളുടെയും വലിയ സ്വാധീനമുണ്ട്. കാരണം, നമ്മുടെ വിശ്വാസങ്ങളും അനുഭവങ്ങളും, നമ്മൾ ആരാണെന്ന് മനസ്സിലാക്കുന്ന കാര്യങ്ങളും നമ്മുടെ അറിവിന്റെ വഴികളെ സ്വാധീനിക്കുന്നു. അറിയാനുള്ള വഴികളാണ് നമ്മുടെ കാഴ്ചപ്പാടുകളും വിവേകവും രൂപപ്പെടുത്തുന്നതിനുള്ള മാർഗ്ഗങ്ങൾ.
നിങ്ങളുടെ ന്യായവിധി കഴിയുന്നിടത്തോളം കരുതിവച്ച്, മറ്റൊരാളെക്കുറിച്ച് അല്ലെങ്കിൽ മറ്റേന്തുതന്നെ ആയാലും അറിയാൻ ആഗ്രഹിക്കുന്നത് ഏറ്റവും നന്നായി ഗ്രഹിച്ചതിനു ശേഷം മാത്രം വിധി നടത്തുക .മറുപടി കേൾക്കുന്നതിനേക്കാൾ മനസ്സിലാക്കാൻ ശ്രദ്ധിക്കാൻ ശ്രമിക്കുക.
മറ്റുള്ളവരെ മനസിലാക്കാൻ നല്ല ശ്രോതാക്കളാകണം . അതുപോലെ എന്തിനെയും ആഴത്തിൽ മനസ്സിലാക്കിയാലേ അറിവ് പൂർണ്ണമാകു.
ജീവിതം മനസ്സിലാക്കാൻ പിന്നിലേക്ക് സഞ്ചരിക്കേണ്ടി വരുമ്പോൾ ജീവിതo അറിയുവാൻ മുന്നോട്ട് സഞ്ചരിക്കണം.
