- വരൾച്ച
ഈ ജലവും എന്നെ മറക്കും , അവ എന്നെ വിട്ടിറങ്ങും.
എന്നിൽ ഒഴുകിയിരുന്നവർക്ക്, വരൾച്ചയായും മാറും ഞാൻ.
ഈ വക്കിൽ ഏകയായി, ഞാനും ഒരു പുറമ്പോക്ക് ആകും.
എൻറെ ഈർപ്പിൽ ആഹ്ലാദിച്ചവർക്ക്,
ഞാൻ അപരിചിതയാകും.
ആ അപൂർണ്ണതയിലും ഞാൻ ദാഹിക്കും,
ഒരു തുള്ളി ജലത്തിനായി.
_ആലിയ മനാൽ_
- പാപം
എന്റെ പാപങ്ങളെല്ലാം എഴുതപ്പെട്ടതാണ്.
ഒളിക്കാൻ ഇനിയെന്തുണ്ട് എല്ലാം നിന്നിലൂടെയാണ്.
ഒഴുക്കി കളയാൻ ഗംഗ നദി ഇന്ന് ശുദ്ധയല്ല.
ഒരിക്കലും മറക്കപ്പെടില്ല കാരണം നീ അന്തയല്ല.
ഞാനിന്നു ഉറങ്ങുകയാണ് ഈ പാപത്തറയിൽ.
ഒളിക്കപ്പെടാൻ മറയില്ലാതെ വെറും പച്ചയായി.
_ആലിയ മനാല്_
- കവിത
ആരുടെയോ കഥ,
സാഹിത്യത്തിൽ കലർത്തി,
വളച്ചു കെട്ടി,
അക്ഷരങ്ങളിൽ ഒളിപ്പിച്ചു വെച്ച
ചില നഗ്ന സത്യങ്ങൾ.
_ആലിയ മനാൽ_
- ചോദ്യങ്ങൾ
ചോദ്യങ്ങളുടെ തസ്ബീഹിൽ അവർ എനിക്ക് ഒരു മാലയുണ്ടാക്കി.
ആ മാലയും അണിഞ്ഞ് ഞാൻ അയാളുടെ അടുത്തേക്ക് ചെന്നു.
അയാൾ ദുനിയാവിൽ ഇല്ലാത്തതുകൊണ്ട് ഉത്തരം കിട്ടിയില്ല.
തസ്ബീഹും പൊട്ടി , ദിക്കറും ചോർന്നു.
_ആലിയ മനാല്_
1 Comment
❤️❤️