Easy Available….. So… Use and throw… 😎

“മൂന്നു മീറ്റർ, രണ്ട് മീറ്റർ എന്നിങ്ങനെ നീളമുള്ള രണ്ട് കമ്പുകൾ നിലത്തു കുത്തിയിരിക്കുന്നു. അതിന്റെ അറ്റത്തു നിന്നും കയർ വലിച്ചു തറയിൽ കെട്ടിയിരിക്കുന്നു. ആ കയറുകൾ നിലത്തു നിന്ന് എത്ര ഉയരത്തിൽ എത്തുമ്പോഴാണ് പരസ്പരം കൂട്ടി മുട്ടുന്നത് “

ചോദ്യം വായിച്ചു നോക്കി കണ്ണും തുറന്നിരിക്കുന്ന എന്നെ നോക്കി മോൻ ചോദിച്ചു. അമ്മയ്ക്കറിയോ? ഇല്ലെങ്കിൽ ഞാൻ ഗൂഗിൾ നോക്കിക്കോളാം.

പാവം ഞാൻ…. അല്ല നമ്മൾ.. 🥰…
പഠിച്ചിരുന്ന സമയത്തൊക്കെ എന്തായിരുന്നു. ഇതു പോലുള്ള എത്രയെത്ര ചോദ്യങ്ങളും ഉത്തരങ്ങളും 😎😎

ഇതൊക്ക പത്തു വരെ… പിന്നീടങ്ങോട്ട്‌… ഇന്റഗ്രേഷൻ, ഡിഫറൻസിയേഷൻ, ഫിസിക്സിന്റെ  എത്രയെത്ര ലിഖിത നിയമങ്ങൾ, ഒരു രസവുമില്ലാത്ത രസതന്ത്രം. അതിൽ തന്നെ ഓർഗാനിക് കെമിസ്ട്രി, റെക്കോർഡ് വരച്ച് വരച്ച്  ജാരനരകൾ ബാധിച്ച അവധിക്കാലം അങ്ങനെ എന്തൊക്കെ… ഇന്ന് അവയൊക്കെ എവിടെയൊക്കെയോ ഇരുന്ന് ഒരു കോമാളിയെ നോക്കുന്നപോലെ എന്നെ നോക്കി പരിഹസിക്കുന്നതായി എനിക്ക് തോന്നാറുണ്ട്. നിങ്ങൾക്കും അങ്ങനെയൊക്കെ തോന്നുന്നെങ്കിൽ അത് തികച്ചും സ്വാഭാവികം മാത്രം 😎😎

ഞാനങ്ങനെ പ്ലസ് ടു വരെ പോയിവന്നപ്പോഴേക്കും അവൻ ഗൂഗിൾ നോക്കി കാര്യം സാധിച്ചു. കൂടെ ഇതൊക്കയെന്ത് എന്നുള്ള ഒരു നോട്ടവും കൂടി..😎

പിന്നെയും പാവം ഞാൻ…. അല്ല നമ്മൾ.. 🥰പഠിക്കുന്ന കാലത്തൊക്കെ ഒരു സംശയം തീർക്കണമെങ്കിൽ ആരുടെയൊക്കെ  കാല് പിടിക്കണമായിരുന്നു. ഒരു വാക്കിന്റെ അർത്ഥം കണ്ടുപിടിക്കാൻ വേണ്ടി മണിക്കൂറുകൾ ചിലവഴിച്ച ഒരു കാലം ഉണ്ടായിരുന്നു. ന്യൂസ്‌ പേപ്പറിൽ വരുന്ന ന്യൂസ്‌ എഴുതിക്കൊണ്ട് വന്ന് ക്ലാസ്സിൽ വായിക്കുന്ന ഒരു പരുപാടി ഉണ്ടായിരുന്നു. വീട്ടിൽ പോയിട്ട് ആ പരിസരത്ത് പോലും ന്യൂസ്‌ പേപ്പർ ഇല്ലാത്തതുകൊണ്ട് റേഡിയോയിൽ വാർത്ത കേട്ട് എഴുതിയിരുന്ന ഞാൻ 😎😎അതും… ഒട്ടും…. ഒരു മനസാക്ഷിയുമില്ലാതെ വാർത്ത വായിക്കുന്ന ചേച്ചി. ഒരു വാർത്ത എഴുതി കാൽ ഭാഗം ആകുമ്പോഴേക്കും പുള്ളിക്കാരി പ്രധാനപ്പെട്ട ഒരു പത്തു കാര്യങ്ങൾ പറഞ്ഞിട്ടുണ്ടാകും. അങ്ങനെ എന്തൊക്കെ… 😎😎

അന്ന് അങ്ങനെ കഷ്ടപ്പെട്ടു പഠിച്ച പാഠങ്ങളിൽ നൂറിൽ എൺപതും ഇന്നും വെളിച്ചം കാണാതെ പ്രഷർ, ഷുഗർ, ഇൻജെക്ഷൻ, മെഡിസിൻ എന്ന് വേണ്ടാ…. പല മാറാരോഗങ്ങളുടെയും, രോഗികളുടെയും, തികച്ചും സാധാരണക്കാരുടെയും ഇടയിൽ കിടന്ന് ഇപ്പോഴും വീർപ്പുമുട്ടുന്നു. ആരോട് പറയാൻ ആര് കേൾക്കാൻ!

അതൊക്കെ അന്ന്… കഴിഞ്ഞ ദിവസം യുകെജി പഠിക്കുന്ന ചെറിയ ആൾ ഫോണുമായി വന്നിട്ട് പറയുവാ.. “അമ്മേ ഗൂഗിൾ അമ്മച്ചിയെ ഒന്നെടുത്തു തരോ.. ഒരു കാര്യം ചോദിക്കാനാ ”
യൂട്യൂബും, വാട്സ്ആപ്പും ഒക്കെ പുള്ളിയ്ക്ക് അറിയാം.. പക്ഷേ ഈ അമ്മച്ചിയെ അത്ര പരിചയം ഇല്ല… 😎😎സ്വന്തം അമ്മയ്ക്ക് അറിയാത്ത പല കാര്യങ്ങളും ഈ അമ്മച്ചിക്ക് അറിയാമെന്നു അഞ്ചു വയസുള്ള കുട്ടിക്ക് പോലും  അറിയാം.😌😌

ഇനി എന്റെ മനസ്സിൽ തോന്നിയ കുറച്ച് സംശയങ്ങൾ… ഇന്ന് എല്ലാം easy availble ആണല്ലേ??? അതുകൊണ്ടാവുമോ ഇന്ന് നമുക്ക് കിട്ടുന്ന പലതിനും അതിന്റെതായ മൂല്യം ഇല്ലാതെ പോകുന്നതും? അതുപോലെ തന്നെ… use and throw…
ഭക്ഷണത്തിലും വെള്ളത്തിലും തുടങ്ങി, ജീവിതത്തിന്റെ എല്ലാ അവസ്ഥയിലും. ഒരു തരത്തിൽ അല്ലെങ്കിൽ മറ്റൊരു തരത്തിൽ ഇതു തന്നെയല്ലേ നടക്കുന്നത് എന്ന് തോന്നിയിട്ടുണ്ട്. വിദ്യാഭ്യാസത്തിലും ബന്ധങ്ങളിലും വാർദ്ധക്യത്തിൽ ജീവിതത്തിൽ നിന്ന് പോലും Use and Throw തന്നെയാണ്..😌😌 എല്ലാം “Easy avilable “ആയതുകൊണ്ടായിരിക്കുമോ “Use and Throw ” ഇത്ര ഈസിയായത്.. ആരോട് ചോദിക്കും.. അമ്മച്ചിക്ക് അറിയാമായിരിക്കും… നമ്മുടെ ഗൂഗിൾ അമ്മച്ചിക്ക്….😌😌