Author: Jayalekshmi krishnan

 എൻ്റെ പ്രിയ കഥാകാരി കമല സുരയ്യക്ക് സമർപ്പിക്കുന്നു..   ഞാൻ കുമുദം.  ഒന്നു നിൽക്കൂന്നേ…  ഞാൻ ഒന്നുകൂടി തൊഴുതു വരാം.. എന്തോ മറന്നപോലെ..  ശിവൻ്റെ മുന്നിൽ ഇരിക്കുന്ന നന്ദിയുടെ കഴുത്തിനു ചുറ്റും കൈ പിടിച്ചു നന്ദിയുടെ ചെവിയിൽ, അവൻ എന്താ പറയുന്നത്?? വാ.., പോകാം.  എന്തായിരുന്നു.. പ്രധാന അഭ്യർത്ഥന ശിവനോട്? എൻ്റെ പരിഹാസം ഒട്ടും ഇഷ്ട്ടപ്പെട്ടില്ലന്നു ആ നടത്തം കണ്ടാൽ അറിയാം.  അല്പം വേഗത്തിൽ ഞാനും നടന്നടുത്തു..  നടത്തയുടെ വേഗത കൂടിയത്കൊണ്ട് ഞാൻ അല്പം കിതക്കുന്നുണ്ട്.  അതേ..,  എന്തായിരുന്നു നന്ദിയുടെ ചെവിയിൽ പറഞ്ഞത്?? എനിക്കതറിയാതെ വയ്യ..  ഞാൻ ചെവിയോർത്തു..  നന്ദികേശ്വരൻ്റെ ചെവിയിൽ പറയുന്ന കാര്യങ്ങൾ.. കൃത്യമായി ഭഗവാൻ ശിവനെ ധരിപ്പിച്ചു നമ്മുടെ പ്രാർത്ഥന സഫലമാക്കി തരും എന്നൊരു വിശ്വാസമുണ്ട്. ഞാൻ തന്നെയാണ് അതവന് പറഞ്ഞു കൊടുത്തത്.  അതു മറ്റാരുമായി പങ്കു വയ്ക്കാൻ പാടില്ല എന്നൊരു താക്കിതും ഞാൻ പറഞ്ഞു വച്ചിരുന്നു..  ഞാൻ വീണ്ടും ചോദിക്കാൻ തുടങ്ങുന്നതിനു മുന്നേ എൻ്റെ മുഖത്തോട് നോക്കി ചെറു…

Do not stand By my grave, and weep. I am not there, I do not sleep— I am the thousand winds that blow I am the diamond glints in snow I am the sunlight on ripened grain, I am the gentle, autumn rain. As you awake with morning’s hush, I am the swift, up-flinging rush Of quiet birds in circling flight, I am the day transcending night. Do not stand By my grave, and cry— I am not there, I did not die. — Clare Harner, The Gypsy, December 1934 ഇതു വായിച്ചപ്പോൾ.. ഞാൻ മനസ്സിൽ കുറിച്ചിട്ടത് ഇങ്ങനെ.. നിൽക്കണ്ട നീ എൻ കബറിനടുത്ത്..…

യാത്രകൾ എനിക്ക് ഹരമാണ്. കാനഡ യാത്ര കഴിഞ്ഞു നാട്ടിൽ എത്തിയതേ ഉള്ളു. ക്ഷേത്ര ടൂർ നടത്തുന്ന എന്റെ സഹോദരൻ ശ്രീ. മൂർത്തി, അവരുടെ പുതിയ യാത്രയിൽ എന്നെ ക്ഷണിച്ചു. ഇരുപത്തിയെഴു വർഷങ്ങൾക്കു മുന്നേ ഞാൻ പോയ സ്ഥലങ്ങളിൽ വീണ്ടും ഒരു ദിഗ്വിജയം ചെയ്തു വരാം.. മാറ്റങ്ങളെ തൊട്ടറിയാം എന്നൊരു ഉൾവിളി. തയ്യാർ ആയി ഞാൻ അടുത്ത യാത്രയ്ക്ക്. തിരുവനന്തപുരം മുതൽ മംഗലാപുരം വരെയും തിരിച്ചു മംഗലാപുരം മുതൽ തിരുവനന്തപുരം വരെയും ട്രെയിനിൽ, നമ്മുടെ സാമ്പത്തിക ശാരീരിക പരിഗണനയിൽ ടിക്കറ്റ് എടുത്തു പോകുക എന്നതാണ് രീതി. മംഗലാപുരത്ത് നിന്ന് തുടങ്ങി തിരികെ മംഗലാപുരം വരെയാണ് ടൂർ പാക്കേജ് ൽ ഉൾപ്പെടുത്തിയിരിക്കുന്നതെങ്കിലും എല്ലാവർക്കും ട്രെയിൻ ടിക്കറ്റ്, രാത്രി ഭക്ഷണം കുടിക്കാൻ വെള്ളം യാത്രയിൽ പാലിക്കേണ്ട നിർദേശങ്ങൾ അടങ്ങിയ ഒരു ബാഗ്  നൽകി പരസ്പരം പരിചയപെടുത്തി സ്നേഹപൂർവ്വം നയിക്കാൻ ക്ഷേത്ര ടൂർ ശ്രദ്ധിച്ചു എന്നതും എടുത്ത് പറയേണ്ട ഒന്നാണ്. എനിക്ക് ഏറെ സന്തോഷം തോന്നിയത്, പ്രായമായ…

അമ്മയുടെ ശരീരത്തിൽ ചെറിയ വൃണങ്ങൾ വരാൻ തുടങ്ങുന്നോ? അയ്യോ!! എന്റെ അമ്മ ഇങ്ങനെയൊന്നും കിടക്കേണ്ട ആൾ അല്ല.. വാർദ്ധക്യം അമ്മയെ ബാധിക്കുന്ന ഒരു വിഷയം അല്ല. എല്ലാ പ്രായക്കാരോടും തോൾ ചേർന്ന് നിൽക്കാൻ കഴിയുന്ന വ്യക്തിയാണ് അമ്മ. ആ അമ്മ ഇങ്ങനെ മരണം കാത്തു കിടക്കുന്നത് കണ്ടു നിൽക്കാൻ പറ്റുന്നില്ല. എത്ര  ചുറു ചുറുക്കോടെ നടന്നിരുന്ന ആൾ ആണ്. അച്ഛന്റെ മരണം ഞങ്ങളുടെ പഠിപ്പിനെയോ വളർച്ചയെയോ ബാധിക്കരുത് എന്ന് നിർബന്ധമുണ്ടായിരുന്നു അമ്മയ്ക്ക്. അച്ഛൻ മരിച്ച രണ്ടാം ദിവസം എന്നോട് യൂണിവേഴ്സിറ്റി പരീക്ഷ എഴുതാൻ പോകാൻ നിർബന്ധിച്ചു അയച്ച ആൾ ആണ് അമ്മ. അച്ഛൻ ഇല്ലാന്ന് ഒരിക്കൽ പോലും തോന്നൽ വരാൻ അനുവദിക്കില്ല. ഞാൻ രാവും പകലും ഇതു തന്നെ പറഞ്ഞുകൊണ്ടിരിക്കുന്നത് ചന്ദ്രേട്ടനും വിഷമം ഉണ്ടാക്കുന്നു. അറിയാഞ്ഞിട്ടല്ല..എന്താ ചെയ്യേണ്ടതന്നെനിക്ക്  മനസ്സിലാകുന്നില്ല. ആ ഒരു വീഴ്ച, അതാണ് അമ്മയെ ഇങ്ങനെ കിടത്തി കളഞ്ഞത്. ഞാൻ ഓർത്തു നോക്കുവായിരുന്നു. എന്താ പറ്റിയത് അമ്മയ്ക്ക്.. എന്തിനെയും നിഷ്പ്രയാസം…

തണുത്തുറഞ്ഞ തടാകം. എനിക്ക് കേട്ട്കേൾവി പോലുമില്ല. അന്റാർട്ടിക്കയിൽ തടാകങ്ങൾ അങ്ങനെയാണെന്ന് അറിയാം. അതും സ്കൂളിൽ പഠിക്കുമ്പോൾ ടീച്ചർ ചിത്രം കാണിച്ചു തന്നത് കൊണ്ട് വിശ്വാസം ഉണ്ടായിരുന്നു. ഇപ്പോൾ ഈ രാജ്യത്തിൽ തടാകം തണുത്തു ഉറഞ്ഞു പോയിരിക്കുന്നു. അതും തിരമാല പോലെ കരയിലോട്ട് പൊങ്ങി ചാടുന്ന ഈ നിപ്പിസ്സിംഗ് തടാകം. എനിക്ക് വിശ്വാസം വരുന്നില്ല. ഞാൻ ഇവിടെ വന്ന രണ്ടാം ദിവസം ഈ തടാകത്തിനോട്‌ ചേർന്നു കിടക്കുന്ന ഉദ്യാനത്തിലെ പൂക്കളും ഇലകളും നഗര കാഴ്ചയുമെല്ലാം മനോഹരമായ ഒരനുഭവം ആയിരുന്നു. ഇന്നിപ്പോൾ എവിടെ തിരിഞ്ഞു നോക്കിയാലും വെളുത്ത പരവതാനി വിരിച്ച് ഇടയ്ക്കു ഇടയ്ക്ക് പഞ്ഞിക്കട്ട കൊണ്ട് തീർത്ത കുഞ്ഞു കുന്നുകളും മാത്രം കാഴ്ച്ചയായി. ഇത്രയും കാലാവസ്ഥ വ്യത്യാനത്തെ ഉൾക്കൊണ്ട്‌ കൊണ്ട് എന്തിനാണ് ഈ പെണ്ണ് ഇവിടെ നിൽക്കുന്നത്? നാട്ടിൽ ഉള്ള വീട് വിറ്റ് കാശ് കൊണ്ട് അമ്മയ്ക്ക് ഇഷ്ടമുള്ളത് ചെയ്തോ. ഞാൻ ഇനി അങ്ങോട്ടേക്ക് അവധിക്കു മാത്രമേ വരുകയുള്ളു എന്ന് തീർത്തു പറഞ്ഞു. അവളുടെ തീരുമാനം…

ആദ്യ ഭാഗം മുതൽ വായിച്ചു തുടങ്ങാം. ഭാഗം 14: കാനഡയുടെ ഏറ്റവും വലിയ ആകർഷണം. ഇനി കാനാഡയുടെ ആകർഷണങ്ങൾ ആദ്യ ഭാഗം മുതൽ തുടങ്ങി വരാം. ടോരൊന്റോവിൽ നിന്ന് ഇവിടെ എത്തിയ നിമിഷം മുതൽ എന്റെ ബാഗ് നഷ്ട പെട്ടതിനെ കുറിച്ച് ഞാനോർക്കാതിരിക്കാൻ കുട്ടികൾ പരമാവധി എന്നെ ചേർത്ത് പിടിച്ചു. എന്നാലും എന്റെ സ്വകാര്യ രേഖകൾ, മകളുടെ കൂട്ടുകാരി ശ്രദ്ധയുടെ അച്ഛനും അമ്മയും അവൾക്ക് കൊടുക്കാൻ ഏൽപ്പിച്ച കുറച്ചു സ്വർണമൂക്കുത്തികൾ, എന്റെ അച്ചാച്ചന്റെ അലമാരയുടെ താക്കോൽ, എന്റെ മകൾക്ക് വിവാഹസമ്മാനമായി കൊണ്ട് വന്ന സ്വർണ വജ്ര ആഭരണങ്ങൾ..ഇ വയെല്ലാം എന്നും എന്റെ ഉറക്കം കെടുത്തിയിരുന്നു. ഞങ്ങൾ വീട്ടിൽ എത്തിയ ദിവസം തന്നെ കുട്ടികൾ, മോന്ററിയ്യാൽ പോലീസ് ലും എയർപോർട്ട് അതോറിറ്റിയിലും എയർ കാനഡയുടെ വെബ്സൈറ്റിലും ലുഫ്തൻസ യുടെ വെബ്സൈറ്റിലും ബാഗ് ന്റെ നിറം, അളവ്, അകത്തു ഉണ്ടായിരുന്ന സാധനങ്ങളുടെ വില വിവരം ( സ്വർണം ഞാൻ എത്ര ഉണ്ടെന്നു എയർപോർട്ടിൽ രേഖകൾ സമർപ്പിച്ചിരുന്നു…

ആദ്യ ഭാഗം മുതൽ വായിച്ചു തുടങ്ങാം. ഭാഗം : 13 വിടാതെ കൂടെ നിന്നവർ ദൂരെ കാണുന്ന ചെക്ക് ഇൻ എത്ര ദൂരം നടന്നാൽ എത്തുമെന്നു എനിക്കൊരു രൂപവുമില്ലായിരുന്നു. എന്റെ സർവ ശക്തിയും എടുത്ത് ഞാൻ ഓടി എന്നുവേണമെങ്കിൽ പറയാം. ഞാൻ ഓടി വരുന്നത് കണ്ടത് കൊണ്ട് ചെക്ക്‌ ഇൻ കൌണ്ടർ നുള്ളിൽ അണഞ്ഞു തുടങ്ങിയ പ്രകാശങ്ങൾ വീണ്ടും തെളിയുന്നത് ആശ്വാസം നൽകി. ഞാൻ കൌണ്ടറിന്റെ അടുത്ത് എത്തിയോ എന്ന എനിക്ക് ഓർമയില്ല. എന്നെ ആരോ താങ്ങി പിടിച്ചു അവരിൽ ചേർത്ത് നിറുത്തിയിട്ടുണ്ട് എന്നെനിക്കു മനസ്സിലായി. ഞാൻ എന്തോ പ്രശ്നത്തിൽ ആണ്‌ എന്ന് അവർക്ക് മനസ്സിലായി. എന്റെ ബെൽറ്റ്‌ ബാഗിൽ ഞാൻ മുറുകെ പിടിച്ചിരുന്നത് വച്ചായിരിക്കും ഒരു വനിതാ ഉദ്യോഗസ്ഥ അതിനുള്ളിൽ നിന്ന് എന്റെ പാസ്പോർട്ടും ടിക്കറ്റും എടുത്ത് പരിശോധനക്ക് കൊടുത്തുത്. എന്നെ മുറുകെ പിടിച്ചിരുന്നത് എന്റെ മകൻ ആണെന്ന് തന്നെ എനിക്ക് തോന്നി. ഓക്കേ. ഓൾ പെർഫെക്ട്. എന്ന് പറഞ്ഞ…

ആദ്യ ഭാഗം മുതൽ വായിച്ചു തുടങ്ങാം. ഭാഗം : 12 മോൺട്രിയാൽ ദുരന്തം 😪 അങ്ങനെ അടുത്ത യാത്ര തുടങ്ങി. ഉച്ചക്ക് മൂന്നു മണിയോടെ ഫ്രാങ്ക് ഫർട്ടിൽ നിന്ന് കാനഡയിലെ മോൺട്രിയാലിലേക്ക്‌… ഇപ്പോഴും എനിക്ക് D സീറ്റ് തന്നെ യായിരുന്നു. D,E,F എന്ന ക്രമീകരണത്തിലെ തുടക്ക സീറ്റ് ആയതുകൊണ്ട് അല്പം സ്വാതന്ത്ര്യം ഉണ്ട്. എന്റെ വലതു വശത്തെ സീറ്റിൽ ആരും ഉണ്ടായിരുന്നില്ല അതിന്റെ അടുത്ത സീറ്റിൽ ഒരു വിദേശിയായിരുന്നു. വശ്യമായ ചിരിയുള്ള ഒരു ആജാനു ബാഹു. അദ്ദേഹമാണ് എന്നോട് പറഞ്ഞത് എന്റെയും അദ്ദേഹത്തിന്റെയും സീറ്റ് നു നടക്കുള്ള സീറ്റ് ഒഴിവാണ് എന്റെ ഹാൻഡ് ബാഗ് താഴെ വയ്ക്കേണ്ട ആവശ്യമില്ല.. അടുത്ത സീറ്റ്ൽ വച്ചു കൊള്ളുന്ന്. അതെനിക്കൊരു അനുഗ്രഹം ആയി. ഏകദേശം ഒൻപത് മണിക്കൂർ യാത്രയിൽ ഇടയ്ക്കു വായനയുണ്ടാകും അതിനു പുസ്തകം എടുക്കാനും തിരിച്ചു വയ്ക്കാനും ഒക്കെ ഷോൾഡർ ബാഗ് അടുത്ത സീറ്റിൽ ഇരിക്കുന്നതാവും നല്ലതെന്നു എനിക്കും തോന്നി. വിമാനം പുറപ്പെടും മുന്നേ…

ആദ്യ ഭാഗം മുതൽ വായിച്ചു തുടങ്ങാം. ഭാഗം :11 ബാംഗ്ലൂർ മുതൽ കാനഡ വരെ.. എന്റെ കാനഡ യാത്ര തുടങ്ങുന്നത് ബാംഗ്ലൂരിൽ നിന്നാണ്. വെളുപ്പിന് മൂന്നു മണിക്കാണ് യാത്ര തുടങ്ങുന്നത്. ഞാൻ ഏകദേശം രാത്രി പണ്ട്രണ്ടു മണിയോടെ ബാംഗ്ലൂർ വിമാനത്താവളത്തിൽ എത്തി. എന്റെ ടിക്കറ്റ് അനുസരിച്ചു എനിക്ക് 23 കിലോയുടെ ഒരു ചെക്ക് ഇൻ ലഗ്ഗ്ജ് മാത്രമേ അനുവദിച്ചിരുന്നുള്ളു. എന്നാൽ എനിക്ക് കുറച്ചധികം സാധനങ്ങൾ കൊണ്ട് പോകാനുണ്ടായിരുന്നു. അതുകൊണ്ട് ഒരു 23 കിലോയുടെ ബാഗ്ഗേജ് കൂടി എന്റെ കൈയിൽ ഉണ്ടായിരുന്നു. കൂടാതെ എട്ടു കിലോ യുടെ കൈയിൽ കൊണ്ടുപോകാനുള്ള ഒരു ട്രോളി ബാഗ്, ലാപ്ടോപ് ബാഗ് എന്നിവയും കൈയിൽ ഉണ്ടായിരുന്നു. ബാംഗ്ലൂർ വിമാനത്താവളം യാത്രി സൗഹൃദം ആണെന്നു എനിക്ക് പലപ്പോഴും തോന്നിയിട്ടുണ്ട് അതുകൊണ്ടാണ് ഞാൻ ഇത്രയും ലഗേജ് എടുത്തു യാത്ര ബാംഗ്ലൂരിൽ നിന്ന് തുടങ്ങിയത്. എന്റെ രണ്ടാമത്തെ 23 കിലോയുടെ ബാഗിന് 113 ഡോളർ(ഏകദേശം 8000/= രൂപ കൈയിൽ കരുതണം )…

ആദ്യ ഭാഗം മുതൽ വായിച്ചു തുടങ്ങാം. ഭാഗം : 10 കാനഡ, 2024 ൽ കുടിയേറ്റക്കാർക്ക്  എങ്ങനെ? നയാഗ്ര വെള്ളച്ചാട്ടം കാണാൻ പോകുന്നവർ ചില കാര്യങ്ങൾ ഓർക്കേണ്ടതുണ്ട്. ഡിസംബർ ആദ്യ വരാത്തോട്കൂടി അവിടെ ശിശിര കാലം അവസാനിക്കും. മഞ്ഞ് കാലം തുടങ്ങിയാൽ ബോട്ട് യാത്ര പല ദിവസങ്ങളിലും ഉണ്ടാകില്ല ഉണ്ടെങ്കിൽ തന്നെ ദുഷ്കരവും ആയിരിക്കും. ശിശിരത്തിന്റെ നിറങ്ങൾ ചാർത്തി നിൽക്കുന്ന മരങ്ങളും കൂറ്റൻ ഹോട്ടൽ സമൂച്ചയങ്ങളും ചെറിയ തണുപ്പിനു ചേർന്ന വസ്ത്രം ധരിച്ച വിനോദ സഞ്ചാരികളും ആണ് നയാഗ്രയെ കൂടുതൽ സുന്ദരി ആക്കുന്നത്. വെള്ളച്ചാട്ടത്തിന് അടുത്ത് എന്നാൽ ഏകദേശം ഒരു കിലോമീറ്ററിനുള്ളിലുള്ള ഹോട്ടലുകൾ തിരഞ്ഞെടുക്കുക. മൂന്നിൽ കുറയാതെ ഡ്രെസ്സും രണ്ടു ജോഡിയിൽ കുറയാതെ ഷൂസും കരുതാൻ മറക്കരുത്. ഒരു രാത്രി അവിടെ താമസിച്ച് വെള്ളച്ചാട്ടത്തിലൂടെ നടത്തുന്ന ലൈറ്റ് ഷോ കാണാതെ മടങ്ങരുത്. അതുപോലെ വിനോദ സഞ്ചാര കേന്ദ്രം ആയതുകൊണ്ട് തന്നെ പ്രധാന നിരത്തുകൾ മാത്രം നടക്കാൻ ഉപയോഗിക്കുക എന്നതും ഇവിടെ പറയാതെ…