Author: Sanuj Suseelan

       രാമായണത്തെയും മഹാഭാരതത്തെയും കേവലം കഥകളായല്ല ഇന്ത്യക്കാർ കാണുന്നത്. നമ്മുടെ ജീവിതത്തിന്റെ തന്നെ ഒരു ഭാഗമാണ് ഇതിലെ കഥാപാത്രങ്ങളും കല്പനകളുമൊക്കെ. സങ്കീർണ്ണമായ ഹൈപ്പർലിങ്കുകൾ ഉള്ള ഈ കഥകൾക്ക് ഒരു ദൃശ്യരൂപം ഉണ്ടാക്കിയെടുക്കുക എന്നത് നല്ല അദ്ധ്വാനം വേണ്ടി വരുന്ന ഒരു ജോലിയാണ്. രാമാനന്ദ് സാഗർ സംവിധാനം ചെയ്ത രാമായണവും ബി ആർ ചോപ്ഡായും രവി ചോപ്ഡായും സംവിധാനം ചെയ്ത മഹാഭാരതവും ആണ് ഈ കഥകളെ ആസ്പദമാക്കി വന്ന ആദ്യത്തെ പാൻ ഇന്ത്യൻ ശ്രമങ്ങൾ എന്ന് പറയാം. അക്ഷരാർത്ഥത്തിൽ ഇന്ത്യയെ പിടിച്ചുകുലുക്കിയ സീരിയലുകളായിരുന്നു ഇത് രണ്ടും. അത്ഭുതകരമായ കഥകളുടെയും വിശ്വാസങ്ങളുടെയും മന്ത്രവാദത്തിന്റെയും ഒക്കെ നല്ല വളക്കൂറുള്ള ഇന്ത്യൻ സമൂഹത്തിൽ അതെല്ലാം വേണ്ടുവോളമുള്ള രണ്ടു കഥകൾ ചരിത്രം സൃഷ്ടിച്ചതിൽ അതിശയമില്ല. ഞായറാഴ്ച രാവിലെ ടി വിയുടെ മുന്നിൽ ദീപം തെളിയിച്ചു പ്രാർത്ഥനാ ഭാവത്തോടെ അത് ആസ്വദിച്ചിരുന്ന കോടിക്കണക്കിനു പ്രേക്ഷകർ ഇന്ത്യയിലുണ്ടായിരുന്നു. ജാതി മത ഭേദമെന്യേ ജനം അത് ആഘോഷിച്ചു. ദൂരദർശൻ മാത്രം…

രണ്ടായിരത്തി പതിനാറിൽ നടന്ന ഒരു സംഭവത്തെക്കുറിച്ച് പറഞ്ഞുകൊണ്ട് തുടങ്ങാം. UAE യിലെ അറിയപ്പെടുന്ന ഒരു മനുഷ്യാവകാശ പ്രവർത്തകനായിരുന്നു അഹമ്മദ് മൻസൂർ. ഇടപെട്ടുകൊണ്ടിരുന്ന വിഷയങ്ങൾ പലതും തൊട്ടാൽ പൊള്ളുന്നതായതുകൊണ്ടുതന്നെ പലരുടെയും നോട്ടപ്പുള്ളിയായിരുന്നു മൻസൂർ. അങ്ങനെയിരിക്കെയാണ് ഒരു ദിവസം അദ്ദേഹത്തിന്റെ ഫോണിലേക്ക് വിചിത്രമായ ചില മെസ്സേജുകൾ വരാൻ തുടങ്ങിയത്. ആകർഷണീയമായ ചില തലവാചകങ്ങളോടെ ചില ലിങ്കുകളായിരുന്നു അതിലുണ്ടായിരുന്നത്. യൂ എ ഈയിലെ ജയിലുകളിൽ ആരുമറിയാതെ നടക്കുന്ന പീഡനങ്ങളെക്കുറിച്ചുള്ള വിശദവിവരങ്ങൾക്ക് ലിങ്ക് ക്ലിക്ക് ചെയ്യുക എന്നതായിരുന്നു അതിലൊരെണ്ണം. ഒറ്റ നോട്ടത്തിൽ തന്നെ ഏതൊരു സന്നദ്ധ പ്രവർത്തകനെയും ആകർഷിക്കുന്ന ഒരു വാചകം. സ്വാഭാവികമായും മൻസൂർ അത് തുറന്നു നോക്കേണ്ടതാണ്. എന്നാൽ താൻ പലരുടെയും ഹിറ്റ് ലിസ്റ്റിൽ ഉണ്ടെന്നതുകൊണ്ടും തന്റെ എല്ലാ പ്രവർത്തനങ്ങളും നിരീക്ഷിക്കപ്പെടുന്നുണ്ടെന്നും ബോധവാനായിരുന്ന അദ്ദേഹം അത് തുറന്നില്ല. പകരം കാനഡയിലെ ഒരു സൈബർ സെക്യൂരിറ്റി ലാബായ സിറ്റിസൺ ലാബിലേക്ക് അദ്ദേഹം അതയച്ചു.          ഈ ലിങ്ക് പരിശോധിച്ച ലാബ് അധികൃതർ അമ്പരന്നു.…