കാത്തിരിപ്പ്.

   പുഴയോരത്തെ ഗ്രാമനിവാസികൾക്കു് ഗതാഗത സൌകര്യമില്ലായിരുന്നു. ഒറ്റയടി പാതയായിരുന്നു. പിന്നീട് അവിടത്തുകാർ തങ്ങളുടെ സ്ഥലം പഞ്ചായത്തിന് വിട്ടു നല്കി. അവിടം റോഡ് നിർമ്മിച്ചപ്പോൾ, പഞ്ചായത്ത് അത് ടാർ ചെയ്തു. ബസ് റൂട്ടിനുള്ള സംവിധാനമൊരുക്കി, പൊതു ഗതാഗതം നിലവിൽ വന്നു. കാത്തിരിപ്പിനുള്ളിൽ ഗ്രാമീണരുടെ ചിരകാല  അഭിലാക്ഷം സഫലീകരിച്ചു. ക്രമേണ വൈദ്യുതീകരിച്ചു. റോഡുകളിൽ, തെരുവു വിളക്കുകൾ പ്രകാശിച്ചു. രാത്രിയിൽ പ്രദേശം പ്രകാശ പൂരിതമായി. ഇഴ ജന്തുക്കളെ ഭയക്കാതെ വീടണയാം.                       

പുഴയോര ഗ്രാമങ്ങളിലെ കാണുക ളിൽ ഉപ്പിന്റെ സാന്നിദ്യം കൂടുതലുള്ള വെള്ളമാണ് ലഭ്യമാവുക. ശുദ്ധജലം ലഭിയ്ക്കണമെങ്കിൽ, വളരെ ദൂരെ പോയി, അകലെ താമസിയ്ക്കുന്നവരുടെ വീടുകളിലെ കിണുകളിൽ നിന്ന് തല ചുമടായി കൊണ്ടുവരണം. ദീർഘ നാളെത്തെ, കാത്തിരിപ്പിനൊടുവിൽ, പൊതുടാപ്പുകൾ, നിലവിൽ വന്നു. ആവശ്യകതയ്ക്കനുസരിച്ചുള്ള, ശുദ്ധജലം എല്ലാ വീടുകളിലും ലഭ്യമായി. കാത്തിരിപ്പിനൊടുവിലുള്ള, സാക്ഷാൽക്കാരം, അവിടുത്തെ ഗ്രാമീണർ ആത്മനിർവൃതിയാൽ സന്തോഷഭരിതരായി.                           

ഇത്തരം സൌകര്യങ്ങൾ ലഭ്യമായതോടെ, വിദ്യാഭ്യാസവും, സാമാന്യ ആരോഗ്യവും എല്ലാ വീട്ടുകളിലും സംജാതമായി. പടിപടിയായുള്ള, പൊതുജന ക്ഷേമ പ്രവർത്തനങ്ങൾ, ആ ഗ്രാമവാസികളുടെ സ്വച്ഛ ജീവിതം സന്തോഷകരവും, സുഖകരവുമാക്കി തീർത്തു🙏