കുട്ടിക്കളി

കുട്ടിക്കളിയെന്നു ചിലരുടെ
പ്രവർത്തികളെ,
തെല്ലു പരിഹാസമോടെ
വിശേഷിപ്പിച്ചെന്നാലും,
ക്ഷണഭംഗുരമാമീ അവനിവാഴ്‌വിൽ
ശാശ്വതമല്ല നാം നേടിയെടുത്തതൊന്നും.
ഗൗരവമോടെ ചെയ്തിടും പലതും
കാലങ്ങൾ കടന്നുപോകവേ
നിസ്സാരമെന്നു തോന്നും ചിലപ്പോൾ.
കുട്ടിക്കളിയെങ്കിലും അല്പനേരമെങ്കിലും
ചുറ്റുമുള്ളവരിൽ ആനന്ദം പകർന്നു
നൽകാൻ കഴിയും മനുഷ്യരെ
ചേർത്തു നിർത്തേണമെന്നും നമ്മൾ.