കാത്തിരിപ്പ്

ഹിമകണങ്ങളെ തട്ടിതലോടും,

പൊൻകിരണങ്ങളും…

പുൽനാമ്പുകളെ തട്ടിയുണർത്തുന്ന –

ചെറുകുളിർ കാറ്റും….

അറ്റമില്ലാത്ത കടലും തിരകളും,

കെട്ടിപ്പടുക്കാത്ത ഞെക്കിയമർത്താത്ത-

പുഴകളും തോടുകളും…

കരിമണക്കാത്ത,വിഷമയമില്ലാത്ത –

ജീവവായുവും ഭക്ഷണപ്പൊതികളും…

മുളച്ചുപൊങ്ങും പുൽനാമ്പുകളെ,

അടിച്ചമർത്താത്ത കോൺക്രീറ്റും…

മണൽ തരിപോൽ മുളച്ചുപൊങ്ങും –

വൃദ്ധസദനങ്ങളില്ലാത്ത….

നാളേക്ക് വേണ്ടിയാണു ഇന്നെന്റെ കാത്തിരിപ്പ്…..