മഷി വറ്റിയ തൂലികൾക്ക്
പറയുവാനുണ്ടായിരുന്നത്
സങ്കടങ്ങളായിരുന്നു…
അതിലിപ്പോൾ പിന്നെയും
![](https://koottaksharangal.com/wp-content/uploads/2023/08/ad_Banner_1-copy.webp)
ഞാൻ പ്രതീക്ഷകൾ
നിറച്ചൊരുങ്ങിയിരിക്കുന്നു
ചിതറിത്തെറിച്ച സ്വപ്നങ്ങളെ
വരിതെറ്റാതെ എഴുതി
മായ്ക്കാനാവാത്ത അക്ഷര
തെറ്റുകൾ നോക്കി പകയ്കാതെ
വെട്ടിത്തിരുത്തേണ്ടതൊക്കെ തിരുത്തിയിരിക്കുന്നു
തിരുത്തലുകൾ അഭംഗി വരുത്തിയ
നാല് പുറത്തിൽ കവിയാത്തൊരു
ജീവിത കഥയുടെ ക്ലൈമാക്സിൽ
ഇന്നിവിടെ ഈ കൂട്ടക്ഷരക്കൂട്ടിൽ
ഞാനെന്നെ വീണ്ടെടുത്തിരിക്കുന്നു