Author: Ranjith Sarkar

ആരോടും ഒരു പരിധിയിൽ കൂടുതൽ അടുക്കരുത്. ഒരിക്കലും ഒരാളെയും പൂർണമായും മനസ്സിലാക്കിയെന്ന് ധരിക്കുകയും ചെയ്യരുത്, അളവിൽ കൂടുതൽ കൊടുക്കുന്ന ഒന്നിനും ഒരു വിലയും ഉണ്ടാവുകയില്ല. ശുഭദിനം നേരുന്നു….. 🙏

നമ്മളെ വിമർശിക്കുന്നവരോടുള്ള നമ്മളുടെ ക്രിയാത്മകപ്രതികരണമാണ് നമ്മളെ കറ കളഞ്ഞ വ്യക്തികൾ ആക്കുന്നത്, അതിനാൽ നമ്മളെ എതിർക്കുന്നവരോട് കൃതജ്ഞതയോടുകൂടി പെരുമാറണം, നമ്മൾക്ക് സ്വയം മാറുവാനും വളരുവാനും പ്രേരണ നല്കിയതിനാൽ അവരെ നമ്മളുടെ ശത്രുക്കളായി കാണേണ്ടതുമില്ല. ശുഭദിനം നേരുന്നു……. 🙏

ആവർത്തിക്കാത്ത കുറെ നിമിഷങ്ങളുടെ പേരാണ് ആയുസ്സ്, പൂർണ്ണമനസ്സോടെ ആ നിമിഷങ്ങളെ അനുഭവിക്കുക, അതിലെ അവസ്ഥകളെ സ്വീകരിക്കുക, ജീവിതം ഇതാണ് എന്ന് തിരിച്ചറിയുക. ശുഭദിനം നേരുന്നു…… 🙏

ഇന്ന് വോട്ട് എണ്ണുന്ന ദിവസമാണ്, ചിലർ ജയിക്കും ചിലർ തോൽക്കും, രാഷ്ട്രീയപരമായ എതിർപ്പുകൾ നമ്മൾക്കിടയിൽ ഉണ്ടാകാം, പക്ഷെ സൗഹൃദങ്ങളും ബന്ധങ്ങളും കൈവിടാതെ സൂക്ഷിക്കുക. ശുഭദിനം നേരുന്നു …… 🙏

എന്താണ് എളുപ്പം അതല്ല ചെയ്യേണ്ടത്, എന്താണ് ശരി അത് ചെയ്യുക. തകരുന്നില്ല എന്ന് മനസ്സിലായാൽ തകർക്കാൻ ഇറങ്ങിയവരും നിശ്ശബ്ദരാകും. ശുഭദിനം നേരുന്നു ….. 🙏

വിവരമില്ലാത്തവർക്കുവേണ്ടി നമ്മൾ എന്തൊക്കെ നല്ലത് ചെയ്താലും അത് നമ്മളുടെ കടമയാണെന്നും നമ്മൾ അത് തുടരുമെന്നും മാത്രമേ അവർ ചിന്തിക്കുകയുള്ളൂ, നമ്മളുടെ മൂല്യങ്ങൾക്കൊന്നും അവർ ഒരിക്കലും ഒരു വിലയും കൽപ്പിക്കുകമില്ല, അവർ വടക്കുനോക്കിയന്ത്രംപോലെ എപ്പോഴും ഒരു ദിശയിൽ മാത്രമേ ചിന്തിക്കുകയുമുള്ളൂ. ശുഭദിനം നേരുന്നു……. 🙏

ജീവിതത്തിന് ജീവനുണ്ടാകുന്നത് അത് ആസ്വദിക്കുവാൻ കഴിയുമ്പോൾ മാത്രമാണ്. എല്ലാം കഴിയട്ടെ എന്നുവെച്ചാൽ ഒന്നുകിൽ ജീവിതം വാർദ്ധക്യം കൊണ്ടുപോകും, അല്ലെങ്കിൽ മരണം കൊണ്ടുപോകും. ശുഭദിനം നേരുന്നു…….. 🙏

ചെളിയില്‍ വേരൂന്നി വളര്‍ന്നുനില്‍ക്കുന്ന നിര്‍മലവും മനോഹരവുമായ താമരപ്പൂക്കള്‍ പോലെയാണ് നമ്മൾ ഓരോരുത്തരും, മനുഷ്യത്വത്തിന്റെ പൂര്‍ണതയിലേക്ക് വളര്‍ന്നു ശോഭിക്കുവാനുള്ള വളവും വെള്ളവും നമ്മളുടെ ജീവിതസാഹചര്യങ്ങളിൽ തന്നെ ഏറെയുണ്ട്. ശുഭദിനം നേരുന്നു……. 🙏

പരിഹാരം നിർദ്ദേശിക്കുമ്പോൾ അല്ല കേൾവി പ്രസക്തമാവുന്നത്‌, കേൾവിതന്നെ ഒരു പരിഹാരമാണ്‌, ഒന്ന് നിലവിളിക്കുവാൻപോലും ആകാത്തവരുടെ നിസ്സഹായതക്കുള്ള ഏക പോംവഴി കേൾവി മാത്രമാണ്‌. ശുഭദിനം നേരുന്നു…… 🙏

തർക്കം കൊണ്ടോ വാദപ്രതിവാദം കൊണ്ടോ മത്സരിച്ച് അകന്നുപോകാതെ വസ്തുനിഷ്ഠമായ സമീപനത്തോടെ ചർച്ച ചെയ്ത് ഒന്നിക്കുകയാണ് നമ്മൾ ചെയ്യേണ്ടത്, അതുകൊണ്ട് ഓരോ ദിവസവും നമ്മൾ ജീവിതത്തോട് നല്ല അനുഭവങ്ങളെ കൂട്ടിച്ചേർക്കുക, നല്ല ചിന്തകളെ ഉണർത്തുകയും ചെയ്യുക. ശുഭദിനം നേരുന്നു…… 🙏