Author: Ranjith Sarkar

നമ്മളൊന്ന് നോക്കി ചിരിച്ചാൽ തിരിച്ചൊന്ന് നോക്കുകപോലും ചെയ്യാതെ പോകുന്നവർ നമുക്കിടയിലുണ്ട്, മന:പൂർവ്വമായി ചെയ്യുന്ന ഇത്തരക്കാർ പണക്കാരെയോ പ്രമുഖരെയോ കണ്ടാൽ അങ്ങോട്ടുപോയി കൈകൊടുത്ത് കുശലം പറയുന്നവരുമാണ്. ഇവരെ ശ്രദ്ധിക്കാതിരിക്കുക, നോക്കാതിരിക്കുക, ഒരിക്കലെങ്കിലും ഇവർ എന്തിനെങ്കിലും നമ്മുടെ അടുത്തുവരാതിരിക്കില്ല. ശുഭദിനം നേരുന്നു …… 🙏

ചില നല്ല നിമിഷങ്ങൾ ഒരിക്കലും അവസാനിക്കരുതെന്ന് നമ്മൾ കരുതും, ചിലതൊക്കെ എന്നും കൂടെ കാണണമെന്നും കരുതും. പക്ഷെ മനോഹരമായതിനൊക്കെ ആയുസ്സ് കുറവായിരിക്കും. ശുഭദിനം നേരുന്നു …… 🙏

ചില യാത്രകളിൽ കൂട്ടിന് ഉണ്ടാവുക സ്വപ്‌നങ്ങൾ ആയിരിക്കും, ചില യാത്രകളിൽ വേദനകളും. മറ്റുചില യാത്രകളിൽ മനസ്സ് നിറയെ പ്രതീക്ഷകളുമായിരിക്കും. അതുപോലെ തന്നെയാണ് നമ്മുടെ ജീവിതവും, സ്വപ്നങ്ങളും പ്രതീക്ഷകളും വേദനകളും നിറഞ്ഞതാണ് നമ്മുടെ ജീവിതയാത്ര. ശുഭദിനം നേരുന്നു…… 🙏

ശുദ്ധമായ മനസ്സാണ് ലോകത്തിലെ ഏറ്റവും പരിശുദ്ധമായ ദേവാലയം. ആത്മാർത്ഥതയുള്ള ഒരു ഹൃദയമാണ് നമ്മൾക്ക് വേണ്ടത്. അയൽക്കാരുടേയും സ്നേഹിതരുടേയും വളർച്ചയിൽ അസൂയപ്പെടരുത്, അഹങ്കാരവും ഞാനെന്ന ഭാവവും അകറ്റിനിർത്തിയാൽ പല ആപത്തുകളേയും ഒഴിവാക്കുവാനും കഴിയും. ശുഭദിനം നേരുന്നു……. 🙏

ജീവിതം മനോഹരമാക്കുവാൻ ഒരു വഴിയേയുള്ളു, തേടിപോകാതെ തേടിവരുന്നവരെ ചേർത്തുപിടിച്ചാൽ മതി, അങ്ങനെയുള്ള ജീവിതത്തിൽ സമയം കിട്ടുമ്പോൾ മിണ്ടുന്നവരേക്കാൾ സമയം കണ്ടെത്തി മിണ്ടുന്നവരെയാണ് ജീവിതത്തിൽ ചേർത്തുനിർത്തേണ്ടത്. ശുഭദിനം നേരുന്നു…… 🙏

ആവശ്യത്തിൽ അധികം എന്തുണ്ടോ അതെല്ലാം വിഷമാണ്, അത് അധികാരമാകാം, സമ്പത്താകാം, ആഗ്രഹമാകാം. ഭംഗി ഉള്ളതുകൊണ്ടല്ല നമ്മളോട് പലർക്കും ഇഷ്ടം തോന്നുന്നത്, ഇഷ്ടമുള്ളത് കൊണ്ടാണ് നമ്മളെ പലർക്കും ഭംഗിയായി തോന്നുന്നത്. ഒറ്റയ്ക്ക് നടക്കുവാൻ പഠിക്കുക, ഇന്ന് നമ്മളോട് ഒപ്പമുള്ളവർ നാളെ നമ്മളുടെ കൂടെ ഉണ്ടാകണമെന്നില്ല. ശുഭദിനം നേരുന്നു…… 🙏

ഓരോ ജീവിതവും ഓരോ കഥകളാണ്, അത്രമാത്രം പ്രിയപ്പെട്ടവർക്ക് മാത്രമായി വായിക്കുവാൻ കഴിയുന്ന കഥകൾ. അപ്പോഴും ചില വരികൾ ശൂന്യമായിരിക്കും. നമ്മൾക്ക് മാത്രമായി വായിക്കുവാൻ കഴിയുന്ന ചിലത്, അത് വായിക്കുവാൻ സമയം കണ്ടെത്താതെ മറ്റ് പലതിനുംവേണ്ടി ഓടുമ്പോൾ നഷ്ടമാകുന്നത് നമ്മൾക്ക് വിലപ്പെട്ട പലതുമായിരിക്കും. ശുഭഞായറാഴ്ച നേരുന്നു……. 🙏

അനാവശ്യമായ തോന്നലുകളും ഒരിക്കലും മറക്കുവാൻ പാടില്ലാത്ത മറവികളും നമ്മൾക്കെല്ലാം ദോഷം ചെയ്യും, സത്യം സൃഷ്‌ടിക്കുന്ന താൽക്കാലിക അനിഷ്‌ടങ്ങളാണ് അസത്യം സൃഷ്‌ടിക്കുന്ന ദീർഘകാലപ്രശ്‌നങ്ങളെക്കാൾ ഭേദം. ശുഭദിനം നേരുന്നു…….. 🙏

സത്യത്തിൽ ഒന്നിനും സമയമില്ലാതാകുന്നില്ല, സമയങ്ങളിൽ നമ്മളാണ് ഇല്ലാതെ പോകുന്നത്, കൂടുതൽ ഉറങ്ങിയാൽ സമ്പാദിക്കുവാൻ കഴിയില്ല, കൂടുതൽ സമ്പാദിച്ചാൽ ഉറങ്ങുവാനും കഴിയില്ല. ശുഭദിനം നേരുന്നു……. 🙏

ജീവിതത്തിലെ ദുഃഖങ്ങളെ ഓർത്ത് നമ്മൾ വിഷമിച്ചിരുന്നതുകൊണ്ട് ഒന്നും മാറുവാൻ പോകുന്നില്ല. എന്നാൽ ഏത് അവസ്ഥയെയും തരണംചെയ്യുവാനുള്ള മനസ്സോടുകൂടി ധൈര്യത്തോടെ മുന്നോട്ട് ഇറങ്ങിയാൽ ജീവിതത്തിൽ മാറ്റങ്ങൾ ഉണ്ടാകും. ശുഭദിനം നേരുന്നു……. 🙏