Author: Ranjith Sarkar

പറഞ്ഞുചെയ്യുന്നതും അറിഞ്ഞുചെയ്യുന്നതും തമ്മിൽ ഒരുപാട് മാറ്റമുണ്ട്, അറിഞ്ഞുചെയ്യുന്നവരെ കിട്ടുന്നവർ ഭാഗ്യവാന്മാരുമാണ്, തെറ്റ് ചെയ്യാത്തവരായി ആരുമുണ്ടാവില്ല, എന്നാൽ ചെയ്ത തെറ്റ് ന്യായീകരിക്കുന്നവർ അല്ല മറിച്ച് അത് തിരുത്തുവാൻ സന്മനസ്സ് കാണിക്കുന്നവരാണ് യഥാർത്ഥ മനുഷ്യസ്നേഹികൾ. ശുഭദിനം നേരുന്നു….. 🙏

കാലത്തിന് മായ്ക്കുവാൻ കഴിയാത്ത സത്യമാണ് സ്നേഹം, പക്ഷേ മനസ്സിനെ വേദനിപ്പിക്കുവാൻ കാലം തിരഞ്ഞെടുത്ത ആയുധവും സ്നേഹമാണ്. ശുഭദിനം നേരുന്നു……. 🙏

ആയുധത്തേക്കാൾ മൂർച്ചയാണ് ചിലരുടെ വാക്കുകൾക്ക്, ആയുധം ശരീരത്തിൽ ഏൽപ്പിക്കുന്ന മുറിവിനെക്കാൾ ആഴം കൂടുതലാണ് വാക്കുകൾകൊണ്ട് മനസ്സിനെ ഏൽപ്പിക്കുന്ന മുറിവിന്, അത് അനുഭവത്തിൽ വരുമ്പോൾ മാത്രമേ നമ്മൾക്ക് മനസ്സിലാവൂ, അതുകൊണ്ട് വാക്കുകൾകൊണ്ട് അറിഞ്ഞോ അറിയാതെയോ ഒരാളെയും വേദനിപ്പിക്കാതെ ഇരിക്കുവാൻ ശ്രമിക്കുക. ശുഭദിനം നേരുന്നു……. 🙏

നമ്മൾ ചിരിക്കണം, ചിരിച്ചുകൊണ്ടുമാത്രം എല്ലാ പ്രതിസന്ധികളെയും നേരിടണം, അല്ലെങ്കിൽ നമ്മളിൽ ദുഃഖമുണ്ടെന്ന് കരുതി മറ്റുളളവർ നമ്മളെ നോക്കി ചിരിക്കും. ശുഭഞായറാഴ്ച നേരുന്നു……🙏

ചിരി ദുഃഖമാണോ സന്തോഷമാണോ എന്നത് ചിരിക്കുന്ന ആൾക്ക് മാത്രമേ അറിയുകയുള്ളൂ, കാണുന്നവർക്ക് അത് എന്നും മനോഹരമായ ഒരു ചിരി മാത്രമാണ്. ശുഭദിനം നേരുന്നു…… 🙏

പണം കൊടുത്താൽ അനുഗ്രഹം ലഭിക്കുമെന്ന് ചിന്തിക്കുന്നത് അബദ്ധധാരണയാണ്, അത് ആത്മീയതയുടെയും ദൈവഭക്തിയുടെയും പവിത്രത കളയാനേ ഉപകരിക്കൂ, ദൈവം ഒരു കച്ചവടക്കാരനല്ല. ശുഭദിനം നേരുന്നു …… 🙏

പ്രതീക്ഷകൾ ഒരിക്കലും വേണ്ട എന്ന് വെയ്ക്കരുത്, കാരണം ജീവിതത്തിൽ എപ്പോഴാണ് അപ്രതീക്ഷിതമായ വഴിത്തിരിവുകൾ സംഭവിക്കുക എന്നത് ആർക്കും പ്രവചിക്കുവാൻ സാധിക്കില്ല. ശുഭദിനം നേരുന്നു…… 🙏

തുറന്ന സംസാരത്തിൽ അലിഞ്ഞില്ലാതാകുന്ന ചില പിണക്കങ്ങളുണ്ട്, സംസാരിക്കാൻ തയ്യാറാകുക എന്നതാണ് പ്രാധാനം, ആര് തയ്യാറാകും? ഉത്തരം കണ്ടെത്താൻ സാധിക്കുന്നിടത്ത് പിണക്കങ്ങൾ ഇല്ലാതെയാകും, ചില വിട്ടുവീഴ്ചകൾക്ക് തയ്യാറാകണമെന്നേയുള്ളൂ. ശുഭദിനം നേരുന്നു ….. 🙏

അസത്യങ്ങളെ ഒരു ചിരിയോടുകൂടി സ്വീകരിക്കുക. അതിന് പിന്നാലെ സത്യങ്ങൾ വരും, അന്ന് അതിന് മറുപടി പറയുക. അസത്യങ്ങൾക്ക് സത്യങ്ങളെ മറച്ചുപിടിക്കുവാനേ കഴിയുകയുള്ളൂ, മാറ്റിനിർത്തുവാൻ കഴിയുകയില്ല. ശുഭഞായറാഴ്‌ച നേരുന്നു…… 🙏

സാന്നിധ്യമായാലും സംസാരമായാലും ആവശ്യപ്പെടുന്നിടത്തും ആവശ്യമുള്ളിടത്തും മാത്രം കൊടുക്കുക, വലിഞ്ഞുകയറി ചെല്ലുന്ന ഇടത്തെല്ലാം വലിച്ചെറിയപ്പെടും എന്ന കാര്യം മറന്നുപോകരുത്. ശുഭദിനം നേരുന്നു…… 🙏