Author: Ranjith Sarkar

ഒരാൾക്കെങ്കിലും ഒരു ആശ്വാസമാകുവാൻ നമ്മൾക്ക് കഴിയുന്നുണ്ടെങ്കിൽ, നമ്മളുടെ സാന്നിധ്യം അവർക്ക് സന്തോഷം നൽകുവാൻ കഴിയുന്നുണ്ടെങ്കിൽ, അവർക്കുവേണ്ടി ജീവിതത്തിൽ കുറച്ചെങ്കിലും സമയം മാറ്റിവെക്കണം. നമ്മളുടെ സമയത്തിന് നമ്മളേക്കാളേറെ വിലകൽപ്പിക്കുന്നത് അവരായിരിക്കും. ശുഭദിനം നേരുന്നു……. 🙏

എന്തിനൊക്കെ തിരിച്ചുവരുവാൻ അനുവാദം കൊടുത്താലും എവിടേയൊക്ക തിരിച്ചുപോകണമെന്ന് മനസ്സ് മന്ത്രിച്ചാലും, അവഗണിക്കപ്പെട്ട ഇടത്തേക്കുള്ള വഞ്ചിക്കപ്പെട്ട ഇടത്തേക്കുള്ള തിരിഞ്ഞുനോട്ടം കണ്ണടച്ച് വേണ്ടന്ന് വച്ചേക്കണം. ബഹുമാനം ഇല്ലാത്ത ഇടത്ത്, വിശ്വാസം നഷ്ട്ടപ്പെട്ടുപോയ ഇടത്ത് വീണ്ടും വിഡ്ഢിയാകുന്ന ഒരു ജീവിതത്തിനുവേണ്ടി തയ്യാറെടുക്കുകയും ചെയ്യരുത്. ശുഭദിനം നേരുന്നു…… 🙏

പരിഹാസങ്ങളും ഒറ്റപ്പെടുത്തലുകളും ഒക്കെ ജീവിതത്തിൽ ഉണ്ടാകുമ്പോൾ നമ്മൾ തളർന്നുപോകരുത്, കാരണം എപ്പോഴും മധുരമുള്ള ഫലത്തിന് നേരെയാണ് ഏറ്റവും കൂടുതൽ കല്ലുകൾകൊണ്ട് ഏറ് ഉണ്ടാകുന്നത്. ശുഭഞായറാഴ്ച നേരുന്നു…….. 🙏

ലക്ഷങ്ങൾ ദാനം നൽകി എന്നതിൽ കാര്യമില്ല, പറയുന്നതിൽ നല്ല വാക്കുകളില്ലെങ്കിൽ കിട്ടിയവരും നൽകിയവരെ ശപിക്കും. ശുഭദിനം നേരുന്നു ……. 🙏

സ്വപ്നങ്ങളുടെ സൗന്ദര്യത്തില്‍ വിശ്വസിക്കുന്നവര്‍ക്ക് ഉള്ളതാണ് ഭാവി, ജീവിതത്തിൽ എന്തെങ്കിലുമൊക്കെ ആകണമെങ്കില്‍ ലക്ഷ്യം വേണം, സങ്കല്പങ്ങള്‍ വേണം, സ്വപ്നങ്ങള്‍ വേണം, അതെല്ലാം യാഥാര്‍ത്യം ആക്കുവാനുള്ള ആത്മവിശ്വാസവും വേണം. ശുഭദിനം നേരുന്നു ….. 🙏

മണ്ണിൽ അലിഞ്ഞുതീരുവാനുള്ള ഈ ശരീരമല്ലാതെ അഹങ്കരിക്കുവാൻ എന്തുണ്ട് നമ്മളുടെ കൈയ്യിൽ? മനസ്സ് ഒന്ന് തെറ്റിയാൽ ഭ്രാന്താകും, ശരീരം തളർന്നുപോയാൽ പിന്നെ രോഗിയുമാകും, ശ്വാസം നിലച്ചുപോയാലോ ജീവനില്ലാത്ത വെറും ജഡവും. ശുഭദിനം നേരുന്നു…… 🙏

മറ്റാരെങ്കിലും ഇടുന്ന കൂച്ചുവിലങ്ങിനുള്ളിൽ നിൽക്കുന്നവർക്ക് തന്നിഷ്ടപ്രകാരമുള്ള തീർപ്പുകളുണ്ടാകില്ല, മേലാളന്മാർ മാറുന്നതനുസരിച്ച് അവരുടെ തീരുമാനങ്ങളിലും മാറ്റമുണ്ടാകും. ശുഭദിനം നേരുന്നു ….. 🙏

സങ്കടങ്ങൾ നൽകിയ കാലത്തെ വേഗം മറക്കണം, എന്നാൽ അത് നൽകിയ പാഠത്തെ നമ്മൾ ഒരിക്കലും മറക്കരുത്, പഠിച്ചും പരീക്ഷിച്ചും പകർത്തിയും തിരുത്തിയും മുന്നോട്ട് പോകുവാൻ നമ്മൾക്ക് കഴിയണം. ശുഭദിനം നേരുന്നു……. 🙏

പ്രശ്നങ്ങളിലേക്ക് നോക്കിയാൽ ഒരുപാട് പ്രശ്ന‌നങ്ങൾ കാണുവാൻ കഴിയും, അവസരങ്ങളിലേക്ക് നോക്കിയാൽ ഒരുപാട് അവസരങ്ങൾ കാണുവാനും കഴിയും. അവ രണ്ടും ജീവിതത്തിന്റെ ഭാഗവുമാണ്, പക്ഷേ എവിടെ നോക്കണമെന്ന് തീരുമാനിക്കേണ്ടത് നമ്മൾ ആണ്, നമ്മൾ മാത്രം. ശുഭഞായറാഴ്ച നേരുന്നു……. 🙏

ജീവിതത്തിൽ വേദനിപ്പിക്കുന്ന പരീക്ഷണങ്ങളും പ്രതിസന്ധികളും ഒക്കെയുണ്ടാകും, അവിടെ നമ്മൾ അസ്വസ്ഥരാകരുത്, അനുഭവങ്ങൾ നമ്മളെ കൂടുതൽ കരുത്തുറ്റവരാക്കും, കുറ്റപെടുത്തലുകൾ നമ്മളെ പ്രാപ്തരാക്കുകയും ചെയ്യും, എതിർപ്പുകൾ നമ്മളെ ശക്തരാക്കുമ്പോൾ അപവാദങ്ങൾ നമ്മളെ ശ്രദ്ധാലുവാക്കുകയും ചെയ്യും. ശുഭദിനം നേരുന്നു…… 🙏