കുഞ്ഞുകാര്യങ്ങൾ

മഞ്ഞും മരങ്ങളും മധുവൂറും പൂക്കളും മഴയും മലകളും മഴവില്ലഴകും മാനും മയിലും മനുഷ്യരും മാന്ത്രിക സമസ്യ തീർക്കും മമ പ്രകൃതി നീയെത്ര മനോഹരി

നീതി നിഷേധിക്കപ്പെട്ടവളുടെ നിലവിളി ചാനലിലെ അന്തിചർച്ചകളിൽ മുങ്ങിപ്പോയി ഇരയും അതിജീവിതയും മുഖമില്ലാതെ കരഞ്ഞപ്പോൾ നിയമത്തിന്റെ പഴുതുകളിൽ കൂടി നൂണ്ടിറങ്ങിയ വേട്ടക്കാർ പൂമാലയിട്ട് സ്വീകരിക്കപ്പെട്ടു ഫിൽറ്ററിട്ട സ്വന്തം ഫോട്ടോയുടെ ലൈക്കുകൾ എണ്ണി തിട്ടപ്പെടുത്തി ഉറക്കെ ചിരിച്ചു…

സുഖാന്വേഷിയായ് ജന്മം മുഴുവനും അലഞ്ഞു തീർക്കും മനുഷ്യനോർക്കുന്നീല, സമ്പത്തും സൗഭാഗ്യവും ബാഹ്യമാം സുഖങ്ങൾ നൽകിടുമെങ്കിലും മനസ്സിൽ നിറയും ശാന്തിയോളം സുഖം നൽകിടാനാവില്ലൊരു സ്വത്തിനും.

ഒരാളും മറ്റുള്ളവരേക്കാൾ താഴെയുമല്ല മുകളിലുമല്ല, ഒരാൾ എത്ര ചെറുതായാലും വലുതായാലും അയാൾക്ക് പകരം വെക്കുവാൻ മറ്റൊരു ആളുമില്ല, ചെറുതും വലുതും എന്നത് നമ്മൾ നിശ്ചയിക്കുന്ന അർത്ഥശൂന്യങ്ങളായ അതിർത്തികൾ മാത്രമാണ്. ശുഭദിനം നേരുന്നു…… 🙏

ആരുടെയും അറിവുകളെ നിഷേധിക്കരുത്‌, നേട്ടങ്ങളിൽ അഹങ്കരിക്കുകയും ചെയ്യരുത്. ചെറിയവർ പറഞ്ഞതിൽപോലും ശരിയുണ്ട് എങ്കിൽ അതിനും വില കൽപിക്കണം, അതിലൂടെയാവണം നമ്മളുടെ വിലയേറേണ്ടതും. ശുഭദിനം നേരുന്നു…… 🙏

യുക്തി തൻ കണ്ണുകൾ കെട്ടിടുമേതു വിശ്വാസവും, മതമാകിടുകിലും ആശയമാകിലും, മനുഷ്യമനസ്സിലത് വേരൂന്നുകിൽ, അന്ധവിശ്വാസിയാക്കിടും, ഉള്ളിലെ വിവേകത്തിൻ വെളിച്ചം കെടുത്തിടും, തിന്മ തൻ ഇരുളിൽ തളച്ചിടും.

എൻ്റെ ഇഷ്ടങ്ങളത്രയും നീ മാത്രമായിരുന്നു എന്നിട്ടും … നിൻ്റെ ഇഷ്ടങ്ങളിലെവിടെയും ഞാനില്ലായിരുന്നു.

ഓരോ കാത്തിരിപ്പും നഷ്ടപ്പെടുത്തുന്നത് നമ്മുടെ കാലത്തെയാണെന്ന് ഓർക്കാതെ സുഖമുള്ള നോവെന്ന് കരുതി വീണ്ടും വീണ്ടും കാത്തിരിക്കയാണ്.

ആകാശം പോലും കാണാൻ കഴിയാത്തൊരു മേൽക്കൂരയ്ക്ക് താഴെ നാല് ചുവരുകൾക്കുള്ളിൽ പകലുകൾ മുഴുവനും രാവിൻ പാതിയും കഴിച്ചു കൂട്ടിയിട്ട് അമ്മ പറയാറുണ്ട്, ‘എനിക്കിവിടെ സുഖാ!’

ഉള്ളതെല്ലാം തുറന്ന് പറയുന്നവരെ ഒരിക്കലും വഞ്ചിക്കാതിരിക്കുക, ഇവർ തുടക്കംമുതൽ ഒടുക്കംവരെ നമ്മളോട് ഒരുപോലെ ആയിരിക്കും. ഉളളതിൽ പകുതി പറയുന്നവരെ ഒരിക്കലും വിശ്വസിക്കരുത്, ഇവർ പറയുന്നതിൽ പകുതിയും നുണകളുമായിരിക്കും, അതൊക്കെ അവരുടെ ജീവിതവുമായി യാതൊരു ബന്ധമില്ലാത്ത…

സൗജന്യമല്ലൊന്നും തന്നെയീ ഭൂവിൽ, മൂല്യമുണ്ട് നമ്മുടെയോരോ നേട്ടത്തിനും. അർഹതയില്ലാതെ നേടിയെടുക്കും സൗഭാഗ്യങ്ങൾക്ക് ചിലപ്പോൾ, വിലയായ് നൽകേണ്ടി വന്നിടും സ്വസ്ഥതയും ചിലപ്പോൾ ജീവിതം പോലും.

സാഹചര്യങ്ങൾ നോക്കി സ്നേഹിക്കുന്നവരെയല്ല നമ്മൾ സ്നേഹിക്കേണ്ടത്, ഏത് സാഹചര്യത്തിലും നമ്മളോടോപ്പം നിൽക്കുന്നവരെയാണ് നമുക്ക് വേണ്ടത്. സാഹചര്യങ്ങൾ നോക്കി സ്നേഹിക്കുന്നവരെ ഒഴിവാക്കി മുന്നോട്ട് പോവുക, ഒരു ഇല കൊഴിഞ്ഞു എന്ന് കരുതി ഒരു മരവും വീണുപോയ…

ഏതൊരു വ്യക്തിയുടെയും രൂപത്തിലല്ല ബഹുമാനം തോന്നേണ്ടത് മറിച്ച് അവർ കാണിക്കുന്ന ദയ, സ്നേഹം,സത്യന്ധത, വിശ്വാസം എന്നിവയിലാണ് ബഹുമാനം തോന്നേണ്ടത്. ശുഭദിനം നേരുന്നു…… 🙏

പുഞ്ചിരിയും പുണ്യമാണ്, മുതൽ മുടക്കില്ലാതെ നൽകാവുന്ന ദാനവുമാണത്‌. നിങ്ങളുടെ പുഞ്ചിരി വേദനിക്കുന്നവന്റെ മനസ്സിനു ആശ്വാസമേകുമെങ്കിൽ മടിക്കാതെ നൽകീടുവിൻ. റംസീന നാസർ

അകാലത്തിൽ വിധവയായി തനിക്കു വേണ്ടി ജീവിതം ഹോമിച്ച അമ്മയെ പുനർവിവാഹം നടത്തിയിട്ടെ താൻ വിവാഹിതയാകു എന്ന മകളുടെ വാശിക്കു മുമ്പിൽ അടിയറവു വെച്ചു വീണ്ടും വിവാഹിതയായി നിൽക്കുന്ന അമ്മയെ കണ്ടപ്പോളാണ് ആ മകൾക്ക് അന്നാദ്യമായി…

പൂജയും മന്ത്രവും കാണിക്കയും നേടിത്തരില്ല മർത്യനു ജന്മപുണ്യം. സഹജീവികൾ തൻ വേദനയിൽ ആശ്വാസത്തിൻ ചെറുതരിയെങ്കിലും പകരുവാനായാൽ, അഴലിൻ കൂരിരുൾ പാതയിൽ വഴിയറിയാതെ ഉഴലും സഹജർ തൻ പാതയിൽ, ശുഭപ്രതീക്ഷ തൻ കൈത്തിരി തെളിക്കുവാനായാൽ, അതിനോളം…

ഏത് സാധനവും എടുത്താൽ എടുത്ത സ്ഥലത്തുതന്നെ തിരിച്ചുവെച്ചാൽ ആവശ്യമുള്ളപ്പോൾ വീണ്ടും തിരിച്ച് എടുക്കുവാൻ കഴിയും, അതുപോലെയാണ് ബഹുമാനവും; കൊടുത്താൽ മാത്രമേ തിരിച്ച് കിട്ടുകയുള്ളൂ, സ്വയം ബഹുമാനം ഉള്ളവർക്ക് മാത്രമേ മറ്റുള്ളവരെ ബഹുമാനിക്കുവാനും കഴിയുകയുള്ളൂ. ശുഭദിനം…

എന്താണ് ജീവിതത്തിൻ്റെ അർത്ഥം? അർത്ഥമില്ലാത്ത ജീവിതത്തിന്അർത്ഥം ഉണ്ടാക്കാനുള്ള അവസരമാണ് ജീവിതം. ഓരോ ജീവിതത്തിനും വ്യത്യസ്തമായ അർത്ഥങ്ങളാണ്.

തോറ്റുവെന്ന് നമ്മൾ സമ്മതിക്കാത്തിടത്തോളം ജയിക്കാൻ അവസരങ്ങളുണ്ട്.

എല്ലാ അധ്വാനത്തിനും അന്തസ്സും ആഭിജാത്യവും പ്രാധാന്യവുമുണ്ട്. ഒരു സ്ത്രീ അടുക്കളയിൽ പാത്രം കഴുകലിനോടും പാചകത്തിനോടും മല്ലിടുന്നത് മനുഷ്യരാശിയെ ഉയർത്തുന്ന മികവുറ്റ അധ്വാനം തന്നെയാണ്.