കുഞ്ഞുകാര്യങ്ങൾ

ഒരു പുകമറയാക്കി നീ ചെയ്യുന്ന ഓരോ ഹീനകൃത്യങ്ങളും ഒരു നാൾ ആ പുകമറ വിച്ഛേദിച്ചു നിന്നിലേക്കു തന്നെ തിരികെ വരുമെന്നുള്ളതാണ്‌ കാലത്തിന്റെ കാവ്യനീതി. റംസീന നാസർ

അമ്മേ ! “ഇന്ന് അമ്മുവിനെ പൂക്കൾപറിക്കാൻ കണ്ടില്ലല്ലോ ” “അതേ അവൾക്കെന്തു പറ്റിയാവോ ” അച്ഛൻ മരിച്ചതിനു ശേഷം അമ്മക്കാകെയുള്ള നേരമ്പോക്ക് പൂക്കൾ ഉണ്ടാകുന്ന ചെടികൾ വെച്ചുപിടിപ്പിക്കുന്നതാണ്. കനകാംബരവും മുല്ലയും പനിനീർപ്പൂവും മുറ്റം നിറയെ…

മധുരം നിറഞ്ഞ ബാല്യത്തിന്റെ ഓർമ്മകളിൽ ഇന്നും നിറഞ്ഞു നിൽപ്പുണ്ട് മധുരവും പുളിയും ഇടകലർന്ന് ചില്ലുഭരണിയിലെ പലവർണ്ണങ്ങളാൽ കണ്ണിനിമ്പമാർന്ന നാരങ്ങ മിട്ടായികളും അവ നുണച്ചിറക്കി നടന്ന ബാല്യവും. റംസീന നാസർ

ആ മഞ്ഞച്ചരടിൽ കോർത്ത താലിക്ക് അടിമത്വത്തിന്റെ ചങ്ങലക്കണ്ണികളേക്കാൾ ബലമുണ്ടെന്നു തിരിച്ചറിയാതെ അവളതു ഏറ്റുവാങ്ങിയപ്പോൾ ഓർത്തില്ല അത്‌ സ്വാതന്ത്ര്യത്തിന്റെ അവസാന നിമിഷമാണെന്നും ഇനിയുള്ളകാലം മറ്റുള്ളവരുടെ സന്തോഷങ്ങൾക്കായി അടിമയെപ്പോലെ ജീവിതം ജീവിച്ചു തീർക്കേണ്ടി വരുമെന്നും. റംസീന നാസർ

ഒരു കുടം തുമ്പപൂക്കളെ കുഞ്ഞിളം കൈകൊണ്ടു പിച്ചിയെടുത്തപ്പോൾ മുത്തശ്ശി ശകാരിച്ചു “ശിവ ശിവ ! പൂക്കളത്തിൽ ഇടാൻ ഒരു പൂ പോലും ഇല്ലാതെ പറിച്ചെടുത്തു നശിപ്പിച്ചോ ഉണ്ണിയെ നീ “. മുത്തശ്ശിക്ക് പൂക്കളത്തിൽ ഇടാൻ…

ചന്ദന നിറത്തിൽ വീതിയുള്ള കസവുകരയുള്ള സാരി ഭംഗിയിൽ ഞൊറിഞ്ഞുടുത്തു നെറ്റിയിൽ ചന്ദനക്കുറിയും തലയിൽ മുല്ലപ്പൂമാലയും വെച്ച് കയ്യിൽ കരിവളയും വാലിട്ടെഴുതിയകണ്ണുമായി മലയാളി മങ്കയെപ്പോലെ അണിഞ്ഞൊരുങ്ങി വരുന്ന പെൺകൊടികൾ എന്നും കണ്ണിനമ്പമുള്ള കാഴ്ചയാണ് . ഓണഘോഷം…

ആദ്യം പരിപ്പും നെയ്യും പപ്പടവും കൂട്ടിയൊരു പിടിപിടിച്ചു ബഹുരസം പിന്നെ സാമ്പാറും പപ്പടവും പൊടിച്ചു ചേർത്തു ഒരു ഉരുള അകത്താക്കിയപ്പോൾ കേമം തന്നെ അവസാനം പായസവും പപ്പടവും ഒരു ചെറിയ പഴവും കൂട്ടിയങ്ങു തിരുമ്മികുഴച്ചു…

പായസങ്ങൾ പലവിധമെങ്കിലും എനിക്കിഷ്ടം പ്രഥമ സ്ഥാനത്തുള്ള പരിപ്പ് പ്രഥമൻ തന്നെ. നെയ്യിൽ വറുത്തു ശർക്കരയിൽ വിളയിച്ചു തേങ്ങാപ്പാലിൽ കുറുക്കി മേമ്പൊടിക്കായ്‌ അൽപ്പം ചുക്കും ഏലക്കാപൊടിയും ചേർത്തു തേങ്ങാകൊത്തും അണ്ടിപ്പരിപ്പുമിട്ട് അലങ്കരിച്ച പ്രഥമൻ വാഴയിലേക്കു വിളമ്പി…

ഓണത്തപ്പനെന്നു കേൾക്കുമ്പോൾ ഓർമ്മ വരുന്നത് ഓണത്തപ്പാ കുടവയറാ എന്നു തുടങ്ങുന്ന പാട്ടാണ്‌. വർഷത്തിലൊരിക്കൽ പ്രജകളെ കാണാൻ വരുന്ന ഓണത്തപ്പനെ വരവേൽക്കാൻ ഓണക്കോടിയും പൂക്കളവും സദ്യയും എങ്ങും അലങ്കാരവുമൊരുക്കി കാത്തിരിക്കുന്ന പ്രജകളും. ഓണത്തപ്പന്റെ അനുഗ്രഹം നേടാൻ…

വെറുതെ കയ്യിൽ വെച്ചാൽ ഇന്ന് നാളെ എന്ന് പറഞ്ഞു അതങ്ങ് തീരും…. എന്നായാലും വേണ്ടതല്ലേ…. ദിനമേറും തോറും വിലയും ഏറും… മക്കളും വലുതാകുകയല്ലേ… ആ വർത്തമാനത്തിൽ കാര്യമില്ലാതില്ല ഒടുവിൽ… അല്ല…ആദ്യത്തിൽ കുഞ്ഞാനശാരി വന്നു കുറ്റിയടിച്ചു..…

ജീവിതം എന്നത് നമ്മൾക്ക് ഒന്നേയുള്ളു, അത് സമയം പാഴാക്കാതെ ആത്മാർത്ഥമായി ആസ്വദിക്കുക. കാരണം ഈ സമയം തന്നെയാണ് നമ്മളുടെ ജീവിതം. ഉള്ളതുകൊണ്ട് തൃപ്തിപ്പെടാനുള്ള മനസ്സുണ്ടെങ്കിൽ ഈ ലോകം മുഴുവൻ കൈവശമുള്ളവരും നമ്മളും തുല്യരാണ്. ശുഭദിനം…

നന്മയ്ക്ക് നന്മ ചെയ്യുക, എന്നാൽ തിന്മയ്ക്ക് തിന്മ ചെയ്യരുത്. കാരണം വജ്രം കൊണ്ട് വജ്രം മുറിക്കാം, പക്ഷെ ചെളി ഉപയോഗിച്ച് ചെളി വൃത്തിയാക്കുവാൻ കഴിയുകയില്ല. അതുപോലെ കരുണ ചെയ്യുന്നവരേ കരുണ പ്രതീക്ഷിക്കാവൂ, നന്മ പ്രവർത്തിക്കുന്നവരേ…

പൊന്നും പട്ടുമല്ല പെണ്ണിന്നഴകെന്ന് ഊന്നിപ്പറയുകിലും, കസവുസാരി ചുറ്റിയൊരുങ്ങിയിറങ്ങും പെണ്ണിൻ രൂപഭംഗിയെന്നും നയനങ്ങൾക്കമൃതേകുമൊരു ചാരുതയാർന്ന ചിത്രമല്ലോ.

ബുദ്ധി, കണക്കുകളോട് മത്സരിക്കുമ്പോൾ ഹൃദയം കടപ്പാടുകളോടാണ് ചേർന്നുനിൽക്കുന്നത്, അതിനാൽ ബുദ്ധി വർദ്ധിപ്പിക്കുവാനുള്ള മരുന്നുകളേക്കാൾ നമ്മൾക്ക് ആവശ്യം ഹൃദയം അലിവ് ഉള്ളതാക്കുന്ന വഴികളാണ്. ശുഭദിനം നേരുന്നു……. 🙏

നല്ല സംസാരങ്ങളും ചിന്തകളും ഇല്ലാത്തവരെ കഴിവതും കാണുന്നതും കേൾക്കുന്നതും ഒഴിവാക്കുക, കാരണം അത് നമ്മുടെ മനസ്സിൽ വിപരീതപ്രതിഫലനങ്ങൾ ജനിപ്പിക്കും, സമാധാനവും സന്തോഷവും നഷ്ടപ്പെടുത്തും. ശുഭദിനം നേരുന്നു …… 🙏

തുമ്പപ്പൂവിൻ നൈർമല്യവും വിശുദ്ധിയും നിറയും മനോജ്ഞമാം ഗ്രാമങ്ങളും നന്മയും ലാളിത്യവും തുളുമ്പിടും മനസ്സുകളും കാലയവനികയിൽ മറഞ്ഞെങ്കിലും ഓണമെന്നും മലയാളിയ്ക്ക് സുന്ദരമാമൊരു വസന്തകാലപ്രതീക്ഷ തന്നെ.

നമ്മൾ വിചാരിക്കുന്നതുപോലെ അല്ലല്ലോ ജീവിതം. നമ്മൾ എന്ത് ആശിച്ചാലും ഈശ്വരൻ ഒന്ന് വിചാരിച്ചിട്ടുണ്ട്, അതേ നടക്കുകയുള്ളൂ. കിട്ടാത്തതിനുവേണ്ടി വാശി പിടിക്കാതെ കിട്ടുന്നതുകൊണ്ട് സന്തോഷിക്കുക. വിഷമമുണ്ടാകും, സങ്കടവുമുണ്ടാകും, അതൊക്കെ സഹിക്കണം. ശുഭദിനം നേരുന്നു……. 🙏

നീ തന്ന നാരങ്ങാ മിട്ടായിയുടെ മധുരം ഞാൻ അറിഞ്ഞില്ല, നുണഞ്ഞലിഞ്ഞു കളയാതെ എന്നെന്നും എനിക്കത് കാത്തുവെക്കണമായിരുന്നു. വർണ്ണകടലാസ്സിൽ പൊതിഞ്ഞ് ഞാനെന്റെ വജ്രപ്പെട്ടിയിൽ അന്നത് ഭദ്രമാക്കിയ പോലെ.. ഞാൻ തന്ന പ്രണയം ഒരിക്കൽ പോലും ആസ്വദിക്കാതെ…

ഭംഗിയുള്ള ജലാശയം പോലെയാണ് ഓരോ മനസ്സും, പുറമേനിന്നും നോക്കുന്നവർക്ക് കാണാൻ നല്ല ഭംഗിയായിരിക്കും. അടിയൊഴുക്ക് അറിയണമെങ്കിൽ ആഴത്തിൽ ഇറങ്ങിച്ചെല്ലണം. ദേഷ്യവും കൊടുങ്കാറ്റും ഒരുപോലെയാണ്, ശാന്തമായതിനുശേഷമേ മനസ്സിലാവുകയുള്ളൂ നഷ്ടം എത്രമാത്രം വലുതാണെന്ന്. ശുഭഞായറാഴ്‌ച നേരുന്നു……. 🙏

കുറവുകൾ കാണുമ്പോൾ ബന്ധങ്ങൾ വലിച്ചെറിയുന്നവരാണ് നമ്മളിൽ പലരും, കുറവുകളെ കുളിർമഴയാക്കി ചേർത്തുപിടിക്കുന്നവർ നമ്മൾക്കിടയിൽ കുറവായിരിക്കും, സ്നേഹം ഒരു വിശ്വാസമാണ്, അത് പരിപൂർണ്ണമാകുന്നത് കുറവുകൾ അറിഞ്ഞ് സ്നേഹിക്കുമ്പോൾ മാത്രമാണ്. ശുഭദിനം നേരുന്നു….. 🙏