കുഞ്ഞുകാര്യങ്ങൾ

നമ്മൾക്ക് ഇല്ലാത്ത ഗുണങ്ങൾ മറ്റുള്ളവർക്ക് ഉണ്ടെന്ന് കേൾക്കുമ്പോൾ നമ്മളുടെ മനസ്സിൽ ദുഷ്ചിന്തകൾ ഉണ്ടാകുന്നത് സ്വാഭാവികമാണ്, ഇത് ഇല്ലാതാക്കാൻ മറ്റുളളവരുടെ നല്ല സ്വഭാവഗുണങ്ങൾ തെരഞ്ഞെടുത്ത്, കഴിയുമെങ്കിൽ നമ്മളുടെ ജീവിതത്തിൽ പകർത്തുകയാണ് വേണ്ടത്. ശുഭദിനം നേരുന്നു ………

പുതുവർഷത്തിൻ പുത്തൻപ്രതീക്ഷകൾ തൻ പുതുവെളിച്ചം, മലയാളമണ്ണിൽ നിറച്ചുകൊണ്ടെത്തിടുന്നു പൊൻചിങ്ങപ്പുലരി. കലിതുള്ളിയാടും കർക്കിടകപ്പെരുമഴയിൽ കുളിച്ചുനിൽക്കും കേരളഭൂമി, പുതുപുഷ്പങ്ങൾ ചൂടിനിന്നിടുന്നു. മാവേലിമന്നനെ വരവേറ്റിടാൻ, ഓണപ്പൂവിളികൾക്കായ് നാടും മാലോരും ചമഞ്ഞൊരുങ്ങി നിൽക്കും നാളുകൾ വരവായ്.

ചതിയാണോ നുണയാണോ കൂടുതൽ അപകടകാരി? നുണ തന്നെയാണ്. ചതിയാണെങ്കിൽ നമ്മൾ ഒരു തവണയേ വേദനിക്കുകയുള്ളൂ, എന്നാൽ ഓരോ നുണകളും നമ്മൾ തിരിച്ചറിയുമ്പോഴും അത് നമ്മളെ വേദനിപ്പിച്ചുകൊണ്ടേയിരിക്കും. ശുഭദിനം നേരുന്നു…… 🙏

എത്തിച്ചേരുവാൻ കഴിയാതെ തോറ്റുപോകുമെന്ന് ലോകം മുഴുവൻ വിളിച്ചു പറഞ്ഞാലും എത്തുമെന്ന് ഉറപ്പിച്ച് ചില ദൂരങ്ങളിലേക്ക് തളരാതെ നടന്നുപോയി, ലക്ഷ്യത്തിലെത്തി ലോകത്തെ നോക്കി പുഞ്ചിരിച്ചവരുടെ വാശിയുടെ പേരാണ് ആത്മവിശ്വാസം. ശുഭഞായറാഴ്ച നേരുന്നു …🙏

പച്ചപ്പിൻ പുതപ്പു മണ്ണിൽ വിരിച്ച് ആകാശ നെറ്റിയിൽ ചിങ്ങത്തിൻ പൊൻകിരണം ചാർത്തി മഴത്തുള്ളികൾ പെയ്തൊഴിയാതെ മഴമേഘങ്ങൾ… നനവിൻ കുളിർത്തെന്നൽ വീശി വയൽക്കിളിപ്പാട്ടുമായി പൊന്നിൻ ചിങ്ങം വന്നല്ലോ ഇളവെയിലിൻ ചെറുവളകളണിഞ്ഞു പ്രഭാതം, സ്വർണ്ണ പുടവഞ്ഞുറിഞ്ഞുടുത്തു…

കള്ള കർക്കിടകം പോയ് വീണ്ടും ചിങ്ങം വന്നു പിറക്കുമ്പോൾ മലയാളത്തിൻ മണ്ണിലും മനസ്സിലും വർണ്ണ പൂവുകൾ വിടരുകയായ് പൂവും ചൂടി അണിഞ്ഞൊരുങ്ങാൻ കൈരളി വീണ്ടും ഉണരുകയായ് സമത്വ സുന്ദര ലോകത്തിൻെറ സ്വപ്നം വീണ്ടും…

ഒരു നുള്ളോളമുപ്പു മതി നമ്മുടെ രസമുകുളങ്ങളെ ത്രസിപ്പിച്ചിടുവാൻ, അല്പം പോലുമില്ലെങ്കിലോ, രുചിയില്ലാതെ പാഴായിടുമേതു വിഭവവും. ആത്മാർത്ഥയില്ലാ മനുഷ്യബന്ധങ്ങളുമതുപോലെ, ഉപ്പില്ലാ ഭോജ്യം പോൽ നിർവികാരമാം ബന്ധനം മാത്രം.

അവളുടെ നാവിൻ രുചികൾക്കെന്നും ഒരേയൊരു രസ൦ മാത്രം കണ്ണീരിന്റെ ഉപ്പുരസം!

‘നീ കരഞ്ഞു കരഞ്ഞ് ഇവിടെ കണ്ണീർപ്പുഴ തീർക്കുമോ ?’ എന്ന അവരുടെ ചോദ്യത്തിന് അവളുടെ കലങ്ങിമറിഞ്ഞ കണ്ണിൽനിന്നാഞ്ഞടിക്കുന്ന.. കശക്കിയെറിയപ്പെട്ട സഹനത്തിന്റെ കണികകൾ നുരഞ്ഞു പൊങ്ങിയ തിരമാലകൾ അവർക്കുത്തരമേകി അവളുടെ മറുപടിയിൽ കണ്ണുനീരിന്റെ ഉപ്പുരസമായിരുന്നില്ല, മറിച്ച്…

താൻ രണ്ടാമത്തെ കുഞ്ഞായിരുന്നത് കൊണ്ട് അമ്മയ്ക്ക് തന്നെ ഇഷ്ടമാണോ എന്നുള്ള അവളുടെ സംശയം അവൾക്ക് അവളുടെ രണ്ടാമത്തെ കുഞ്ഞുണ്ടായപ്പോഴാണ് മാറിയത്. എത്ര കുഞ്ഞുങ്ങളുണ്ടായാലും എല്ലാവരും അമ്മയ്ക്ക് ഒരു പോലെയാണെന്ന് അവൾക്ക് മനസ്സിലായി.

കടലിൻ നീലിമയിൽ നിശബ്ദയായ നീ കാലത്തിൻ കനലിൽ ചുട്ടുപൊള്ളുന്ന നുഭവത്തിൻ കണികയായ് മാറി നീ ജീവിതത്തിൻ രുചിക്കൂട്ടിൽ നീ വേണം ചിരിയുടെ മാധുര്യമേറുമ്പോഴും മിഴിനീരിൻ രുചിയുപ്പുതന്നെ. ജെമിനി കെ രാജ്

പരിഗണനയുടെ ഉപ്പ് ഒരുപോലെ കൃത്യമായ് ഇട്ട് പാകപ്പെടുത്തി നല്കിയാൽ എനിക്കിത് വേണ്ടെന്നും പറഞ്ഞ് കുടുംബത്തെ നീക്കിവച്ച് ആരും എഴുന്നേറ്റ് വീട് വിട്ട് പോകില്ല.

സിംഹത്തെപ്പോൽ പ്രതാപത്തിൽ വാണരുളും മനുഷ്യനെ നിസ്സാരനായ് മാറ്റിടാൻ കാലമെന്ന മാന്ത്രികനു കണ്ണിണ ചിമ്മിത്തുറക്കും നേരം മാത്രം മതിയായിടും.

നമ്മളുടെ ബന്ധങ്ങളുടെ സന്തോഷവും സങ്കടവും ആയുസ്സുമെല്ലാം നമ്മളുടെ പെരുമാറ്റത്തെ ആശ്രയിച്ചിരിക്കും, ഇന്നലെകൾ തിരികെ വരാത്തതിനാലും ഇനിയുളള നാളെകൾ എങ്ങനെയെന്ന് അറിയാത്തതിനാലും ഇന്നത്തെ ദിവസം സുന്ദരമാക്കുക. ശുഭദിനം നേരുന്നു …… 🙏

അധികമായാൽ വിലയില്ലാതാവുന്ന ഒന്നാണ് സ്നേഹമെന്ന് പഠിപ്പിച്ചുതന്ന ചിലരുണ്ട് നമ്മളുടെ ജീവിതത്തിൽ, ഇവരെ കൂടുതൽ സ്നേഹിച്ച് വിലകളയാതിരിക്കുകയാണ് നല്ലത്, അധികമായാൽ അമൃതും വിഷമാണെന്നാണല്ലോ ചൊല്ല്. ശുഭദിനം നേരുന്നു …… 🙏

ധനം വരുകയും പോകുകയും ചെയ്യും, എന്നാൽ ധനം ക്ഷയിച്ചെന്ന് കരുതി ഒരാൾ ക്ഷയിച്ചെന്ന് പറയാൻ കഴിയില്ല. ശുഭദിനം നേരുന്നു …… 🙏

മാനസികമായി തളർന്ന്, എല്ലാം കൈവിട്ടുപോയി എന്ന് തോന്നുമ്പോൾ ആരെങ്കിലും വന്ന് ആശ്വസിപ്പിക്കുന്നത് കാത്തുനിൽക്കാതെ സ്വയം സാരമില്ല എന്നുപറഞ്ഞ് ഹൃദയത്തിൽ കൈവെച്ച് ആശ്വാസം കണ്ടെത്തുവാൻ എപ്പോഴും ശീലിക്കുക. ശുഭദിനം നേരുന്നു…… 🙏

ജീവിതത്തിൽ എല്ലാ കാര്യങ്ങൾക്കും മറ്റൊരാൾ വന്ന് സഹായിക്കുമെന്ന് കരുതുന്നത് മണ്ടത്തരമാണ്, ചിലപ്പോൾ ആശ്വസിപ്പിക്കുവാനും പ്രശ്നങ്ങൾക്ക് പരിഹാരം കണ്ടെത്തുവാനും നമ്മൾ സ്വയം പ്രാപ്തരാവുകയും വേണം. ശുഭഞായറാഴ്ച നേരുന്നു…… 🙏

അന്യന്റെ കൈയ്യിൽ മണ്ണു പിടഞ്ഞപ്പോൾ കണ്ണിൽ തീ പാറിയവൻ ആദിവാസി വെട്ടിത്തെളിച്ച വീഥികൾ രക്തം നനച്ച കഥകൾ അവരുടെ നൃത്തം ഭൂമിയുടെ മിടിപ്പ് അവരുടെ പാട്ട് ചരിത്രത്തിൻ ശ്വാസം അവരുടെ ചിരിയിൽ പ്രകൃതിയുടെ…

നമ്മളെ ഒറ്റപ്പെടുത്തിയത് മൊബൈൽഫോണാണ്, ഒറ്റപ്പെട്ട നമ്മൾക്ക് കൂട്ടായതും മൊബൈൽ ഫോണുതന്നെയാണ്. പല ബന്ധങ്ങളെയും എന്നന്നേക്കുമായി വേർപ്പെടുത്തുന്നത് മൊബൈൽഫോണാണ്, ഒരിക്കലും വേർപെടുത്താൻ പറ്റാത്ത പല ബന്ധങ്ങളും തുടങ്ങിവെച്ചതും മൊബൈൽഫോണുതന്നെയാണ്. ശുഭദിനം നേരുന്നു ….. 🙏