കുഞ്ഞുകാര്യങ്ങൾ

എന്തും നേരിടുവാനുള്ള ഒരു മനസ്സുമായി വേണം ജീവിതം എന്ന മത്സരത്തിൽ കളിക്കുവാൻ, കാരണം വിധി എന്ന കള്ളക്കളിക്കാരൻ മത്സരത്തിനുണ്ട് എന്ന് ഓർക്കണം. ജീവിതം ഒരു സൈക്കിൾസവാരിപോലെയാണ്, വിജയിക്കണമെങ്കിൽ മുന്നോട്ട് ചലിച്ചുകൊണ്ടേയിരിക്കണം. ശുഭദിനം നേരുന്നു…… 🙏

തെറിച്ചു പോയൊരാ കാൽച്ചിലങ്കകൾ പതിച്ചതന്നെൻ്റെ ഹൃദയത്തിലെവിടെയോ….

ജീവിതത്തിൽ സ്വന്തം കാര്യം മാത്രമേ നമ്മൾ മനുഷ്യർ ചിന്തിക്കുന്നുള്ളൂ, ചുറ്റുമുള്ള ലോകത്തിനെക്കുറിച്ച് ചിന്തിക്കുന്നില്ല, മറ്റുള്ളവരുടെ വേദന അറിയുവാനും അത് പങ്കിടുവാനും സമയം കണ്ടെത്തിയാൽ ഓരോരുത്തർക്കും ഭൂമിയിൽ സ്വർഗ്ഗം സൃഷ്ടിക്കുവാനാകും. ശുഭദിനം നേരുന്നു…… 🙏

നമ്മൾ കണ്ടിട്ടില്ലെന്ന്, സ്നേഹം കൊണ്ട് തൊട്ടിട്ടില്ലെന്ന്, മാറോട് ചേർന്നിരുന്നിട്ടില്ലെന്ന്, മുറുകെ പുണർന്ന് ഉമ്മ വെച്ചിട്ടില്ലെന്ന്, നിന്നോളമാഴത്തിൽ നിന്നിൽ ഞാൻ ജീവിച്ചിരുന്നില്ലെന്ന്, നീയൊരു നുണയായിരുന്നുവെന്ന് നിന്നിൽ മുങ്ങി മരിക്കുന്നൊരെന്നെ ഞാനെങ്ങനെ ആശ്വസിപ്പിക്കും..?

ജീവിതയാത്രയിൽ കൂടെ കൂട്ടുന്ന കടത്തുവള്ളങ്ങൾ മാത്രമാണ് പലരും, കടത്തുകൂലി നൽകി കൈ വീശി യാത്രയാക്കണം, കൂടെ പോരണമെന്ന് വാശി പിടിക്കുന്നതിൽ ഒരു അർത്ഥവുമില്ല. ശുഭഞായറാഴ്ച നേരുന്നു…… 🙏

ദൈവവിധി എന്ന് കരുതി പ്രയത്നം ഒരിക്കലും ആരും ഉപേക്ഷിക്കരുത്, ആട്ടിപ്പിഴിയുന്ന ശ്രമമില്ലാതെ എള്ളിൽനിന്നും എണ്ണ കിട്ടുകയില്ല, അതുപോലെ ലക്ഷ്യം നേടുന്നതുവരെ കഠിനമായി പ്രയത്നിയ്ക്കുകതന്നെ വേണം. ശുഭദിനം നേരുന്നു……. 🙏

എൻ്റെ മിഴിയൊന്ന് നിറഞ്ഞപ്പോൾ, സ്വരമൊന്ന് ഇടറിയപ്പോൾ, എൻ്റെ സങ്കട തോണിയിലേക്ക് ഓടിയണഞ്ഞത് നീ മാത്രമായിരുന്നു കൃഷ്ണാ… എന്നെ മാറോടണച്ച്, ഞാനുണ്ട് കൂടെയെന്ന് കാതിൽ മൊഴിഞ്ഞ്, വിരലുകളിൽ വിരലുകൾ കോർത്ത്, എല്ലാം നമുക്ക് ശരിയാക്കാം…

നമ്മൾ നമ്മളെ ഇഷ്ടപ്പെടുന്നവർ പറയുന്ന അസത്യങ്ങൾ വിശ്വസിക്കുകയും നമ്മൾക്ക് ഇഷ്ടമില്ലാത്തവർ പറയുന്ന സത്യങ്ങൾ അവിശ്വസിക്കുകയും ചെയ്യും. ശുഭദിനം നേരുന്നു……. 🙏

വർഷത്തിലൊരിക്കൽ മാത്രം ഓർമ്മകൾ ബാക്കിയാക്കി പോയവരെ ഓർത്തിട്ട് ഒരു കാര്യവുമില്ല, ഓരോ നിമിഷവും പോയവരുടെ സൽകർമ്മങ്ങൾ ഓർത്തെടുത്ത് അത് പ്രാവർത്തികമാക്കുകയാണ് വേണ്ടത്, അല്ലാതെ ബലികർമ്മങ്ങൾ ചെയ്തിട്ടോ മരിച്ചവരുടെ ഇഷ്ടഭോജനം തയ്യാറാക്കി അകത്തുവെച്ചു കൊടുത്തിട്ടോ യാതൊരു…

ബാല്യത്തിൻ സ്മരണകൾ മനസ്സിലെത്തി നോക്കിടും നേരങ്ങളിൽ എങ്ങു നിന്നോ വീശിടുന്നുണ്ടൊരു കുളിർതെന്നൽ കൊതി പകരും മാമ്പഴമണവുമായ്.

നമ്മളുടെ വിരലുകളെ നമ്മൾ ചെയ്യുന്ന തെറ്റുകൾ എണ്ണുവാനായി ഉപയോഗിച്ചിരുന്നു എങ്കിൽ നമ്മൾക്ക് മറ്റുള്ളവരുടെ നേരെ വിരൽ ചൂണ്ടുവാൻ സമയമേ ലഭിക്കുക ഇല്ലായിരുന്നു. ശുഭദിനം നേരുന്നു……. 🙏

മാമ്പഴം എന്നു കേട്ടാൽ കഴിഞ്ഞു പോയ മധുര സ്മരണകളാണ് മനസ്സി  ഓടി കയറുന്നത്. മുറ്റത്തും തൊടിയിലും നിറയെ മാവുകളാണ്. ബാല്യവും, കൌമാരവും,യൌവ്വനവുമൊക്കെ, മാമ്പഴത്തിന്റെ മാധുര്യം ആസ്വദിച്ച ഒരു കാലഘട്ടമായിരുന്നു. ഒരു കാറ്റെങ്ങാനും വീശിയാൽ, ചിന്നം…

നമ്മൾ ആരേയും വളർത്തണമെന്നില്ല, വളരാൻ അനുവദിച്ചാൽ മാത്രം മതി, കൂട്ടിലിട്ട് വളർത്തുന്ന ഒരു പക്ഷിയുടെയും ചിറകുകൾക്ക് ബലമുണ്ടാകില്ല, എന്നാൽ തുറന്നുവിട്ടാൽ അവ സ്വയം യാത്ര ചെയ്യുകയും ഏഴാം കടലിനക്കരെവരെ ചെന്നെത്തുകയും ചെയ്യും. ശുഭദിനം നേരുന്നു…

പൂർണ്ണേന്ദു തൻ ശോഭ മാത്രമല്ല, അമാവാസി തൻ കൂരിരുൾ കൂടി ഉള്ള ഒരാളാണു ഞാൻ “ചന്ദ്രൻ”. ✍️ദിനേഷ് ബാബു.

നമ്മളുടെ ശരികളെമാത്രം അംഗീകരിച്ച് ചേർത്തുനിർത്തുന്നവരെയല്ല നമ്മളുടെ ചെറിയ തെറ്റുകളിൽപോലും വെളിച്ചം കാണിച്ചുതരുന്നവരെ വേണം നമ്മൾ കൂടെ ചേർത്തുനിർത്തേണ്ടത്, അവർ ആയിരിക്കും നമ്മൾക്ക് ജീവിതവെളിച്ചവും വഴികാട്ടിയും തണലുമായി തീരുന്നവർ. ശുഭദിനം നേരുന്നു…… 🙏

ഒരു കാലവും ഒരുപാട് കാലത്തേക്കുണ്ടാവില്ല, പക്ഷേ ചില ഓർമ്മകൾ എല്ലാ കാലത്തേക്കുമുണ്ടാകും. ഓർക്കേണ്ടത് ഓർക്കുക മറക്കേണ്ടത് മറക്കുക. ഓർമ്മകൾ ആർത്തിരമ്പുന്ന തിരമാലകൾ പോലെയാണ്, ചിലത് നമ്മളെ സന്തോഷിപ്പിക്കും ചിലത് നമ്മളെ അലട്ടികൊണ്ടേയിരിക്കും. അനുഭവങ്ങൾ തീവ്രമാണെങ്കിൽ…

ഓരോ നീക്കവും ജാഗ്രതയോടെ ചെയ്യുകിൽ, വിജയം നേടിടാം ജീവിതമാം ചതുരംഗത്തിൽ. ഭാഗ്യനിർഭാഗ്യങ്ങൾ നിയന്ത്രിച്ചിടും ചൂതാട്ടം നിരന്തരം നടക്കുമീയൂലക വാഴ്‌വിൽ, ചതി തൻ പകിടയെറിഞ്ഞു തളർത്തിടുന്നു മർത്യനെ വിധിയെന്ന അദൃശ്യനാം കളിക്കാരൻ നിനച്ചിരിക്കാതെ ചിലനേരം.

നമ്മളുടെ മാറ്റങ്ങൾക്കിടയിൽ മാറ്റമില്ലാതെ കിടക്കുന്ന കുറേ മാറ്റങ്ങളുണ്ട്, നമ്മളുടെ കുറേയധികം മാറ്റങ്ങൾക്കിടയിൽ മാറ്റമില്ലാതെ കിടക്കുന്നതും ഒരുതരം മാറ്റംതന്നെയാണ്. ശുഭദിനം നേരുന്നു ….. 🙏

മധുരമാം സ്മരണകൾ നിറഞ്ഞൊരൻ ബാല്യകാലം ഓർക്കുവാൻ ഉണ്ടൊരു ഇടവഴി ഓടിനടനൊരിടവഴി ആ തൊടിയ്ക്ക് അപ്പുറം കായ്ക്കുന്ന തേൻമാവും എൻ  കൈകലുകളിൽ ചെളി പുരട്ടിയൊരു പാടവും കൂടെ ഓടി നടന്നോരാ കളിതോഴരും ഒന്നോടിയാൽ എത്തിയിടുന്നോരാ അമ്പലവും പെരുന്നാളുകൾ ഘോഷമാക്കിയിരുന്ന പള്ളികളും ഒന്നിച്ചും വീതം വച്ചിരുന്ന നല്ല് ആമ്പൽ…

പ്രയാസങ്ങളും പ്രതിസന്ധികളും രാപകൽപോലെ വന്നുകൊണ്ടേയിരിക്കും, അവയെ ഇല്ലാതാക്കുവാനല്ല മറിച്ച് അവയെ വിജയകരമായി നേരിടുവാനുള്ള കരുത്താണ് നമ്മൾ നേടേണ്ടത്. ശുഭദിനം നേരുന്നു…… 🙏